ខេត្ដកំពង់ចាម ៖ ក្រោយពីទទួលបានព័ត៌មានពីប្រជាពលរដ្ឋថាមានករណីប្រើអំពើហិង្សាកាលពីថ្ងៃ០៤មីនា២០២២វេលាម៉ោង ០៩និង ០០នាទីយប់ នៅចំណុចភូមិគីឡូដប់ ឃុំអារក្សត្នោត ស្រុកស្ទឹងត្រង់ ខេត្តកំពង់ចាម។
ប្រភពពីប្រជាពលរដ្ឋថាករណីហិង្សាដែលបានកើតឡើងនោះគឺបង្ករដោយជនសង្ស័យ ចំនួន២នាក់មិនស្គាល់ឈ្មោះ ភេទប្រុស មានទីលំនៅ រស់នៅ ភូមិប្រទង ឃុំខ្ទួយ ស្រុកស្ទឹងត្រង់ ខេត្តកំពង់ចាម បានធ្វើសកម្មភាពយកវត្ថុរឹងវាយពីក្រោយចំក្បាលជនរងគ្រោះ ដែលមានឈ្មោះ មឿន សំរិទ្ធ (ហៅតា) ភេទប្រុស អាយុ៣៤ឆ្នាំ ជនជាតិខ្មែរ មុខរបរកសិករ មានទីលំស្ថិតនៅភូមិបែកអន្លូង ឃុំអារក្សត្នោត ស្រុកស្ទឹងត្រង់ ខេត្តកំពង់ចាម បណ្តាលឲ្យរងរបួសក្បាលធ្ងន់ចំនួនពីរកន្លែង បន្ទាប់ពីធ្វើសកម្មភាពរួច ជនបង្ករបានជិះម៉ូតូគេចខ្លួនបាត់ ។
ក្រោយមកដោយមានបញ្ជាយ៉ាងមុឺងមាត់ពីឯកឧត្ដម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានចាត់អោយលោកឧត្ដមសេនីយ៍ត្រី សោ សាវឿន មេបញ្ជាការកងរាជអាវុធហត្ថខេត្តស្រាវជ្រាវ រហូតដល់ថ្ងៃទី០៦ ខែមីនា ឆ្នាំ២០២២ ទើបកម្លាំងជំនាញបានស្រាវជ្រាវឃាត់ខ្លួនជនសង្ស័យបានចំនួន០២នាក់រួមមាន៖ ទី១.ឈ្មោះ ហេង សូរិយា ភេទប្រុស អាយុ២១ រស់នៅភូមិប្រទង ឃុំអូរម្លូ ស្រុកស្ទឹងត្រង់ ខេត្តកំពង់ចាម។
ទី២.ឈ្មោះ រី រា៉ន់ ភេទប្រុស អាយ២២ រស់នៅភូមិប្រទង ឃុំអូរម្លូ ស្រុកស្ទឹងត្រង់ ខេត្តកំពង់ចាម។
បច្ចុប្បន្នជនសង្ស័យត្រូវបានបញ្ជូនមកបញ្ជា ការដ្ឋានកងរាជអាវុធហត្ថខេត្តកំពង់ចាមដើម្បីចាត់ការតាមនីតិវិធី៕
