ស្វាយរៀង ៖ បុរសអ្នកបើកអាត្រាករុញដីម្នាក់បានស្លាប់ភ្លាមៗនៅពេលដែលបើកអាត្រាក់មកកន្លែងជីកដីខ្វះការប្រុងប្រយ័ត្នក៏ជ្រុលធ្លាក់ទៅក្នុងរុណ្តៅដីជុំរៅប្រហែល៣,៥០ម៉ែត្របណ្តាលឲ្យក្រឡាប់សង្កត់ស្លាប់ភ្លាមៗតែម្តងហេតុការណ៍នេះកើតឡើងកាលពីថ្ងៃទី១៧ ខែមិនា ឆ្នាំ ២០២២ វេលាម៉ោង១១និង ៣០នាទីត្រង់ចំណុចភូមិបាក្រុង ឃុំស្វាយចេក ស្រុករំដួល ខេត្តស្វាយរៀង ។
ប្រភពព័ត៌មានពីសមត្ថកិច្ចបានឲ្យដឹងថា ជនរងគ្រោះមានឈ្មោះ ភិន ឃ្នី ភេទ ប្រុស អាយុ៣៦ឆ្នាំ រស់នៅភូមិត្រពាំងផ្អាវ ឃុំពងទឹក ស្រុករំដួល ខេត្តស្វាយរៀង មុខរបរបើកអាត្រាក់រុញដី ។
ប្រភពពីសមត្ថកិច្ចបានបន្តទៀតថា ក្រោយពីទទួលបានព័ត៌មានភ្លាមកំលាំងបច្ចេកទេសបានសហការជាមួយក្រុមគ្រូពេទ្យសាមគ្គីរំដួលចុះដល់កន្លែងកើតហេតុដើម្បីពិនិត្យសាកសពហើយ ក្រុមគ្រូពេទ្យសន្និដ្ឋានថាសាកសពពិតជាស្លាប់ដោយសារត្រាក់ទ័រសង្កត់ពិតប្រាកដមែន។
បច្ចុប្បន្នសាកសពត្រូវបានប្រគល់អោយក្រុមគ្រួសារយកទៅធ្វើបុណ្យតាមប្រពៃណី៕
