ស្រុកអូរជ្រៅ ៖ កាលពីព្រឹកថ្ងៃអាទិត្យ ៣រោច ខែផល្គុន ឆ្នាំឆ្លូវ ត្រីស័ក ព.ស ២៥៦៥ត្រូវនឹងថ្ងៃទី២០ ខែមីនា ឆ្នាំ២០២២នេះ ក្រោយពីទទួលដំណឹងពីអាជ្ញាធរមូលដ្ឋាន កងកម្លាំងការពារតាមបន្ទាត់ព្រំដែន របស់វរសេនាតូចថ្មើរជើងលេខ៥១៤ កងពលតូចថ្មើរជើងលេខ៥១ ក្រៅពីភារកិច្ចចុះតាមព្រំដែនសហការកម្លាំងចម្រុះទប់ស្កាត់ពលករឆ្លងដែន ការឆ្លងរីករាលដាលឆ្លងចូលសហគមន៍ កម្លាំងការពារតាមខ្សែបន្ទាត់ព្រំដែន ដឹងនាំដោយ
លោកវរសេនីយ៍ទោ ប៉ែន សុគន្ធ មេបញ្ជាការ វរសេនាតូចថ្មើរជើងលេខ៥១៤ ចុះជួយរុះរើជួសជុលផ្ទះជូនប្រជាពលរដ្ឋដែលរងគ្រោះដោយខ្យល់កន្រ្តាក់ នៅភូមិយាងដង្គុំ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ សម្រេចធ្វើបាន១២ខ្នង ប្រើប្រាស់សង្ក័សីអំណោយរបស់ឯកឧត្ដម ហ៊ុន ម៉ាណែតនិងលោកជំទាវ ចំនួន១៨០សន្លឹក និងសង្ក័សីប្រជាពលរដ្ឋផ្ទាល់ចំនួន៤៥សន្លឹក ដែកគោល១៥គ.ក ។
សូមបញ្ជាក់ថា៖ ភូមិតាមខ្សែបន្ទាត់ព្រំដែន ក្នុងឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ជារៀងរាល់ឆ្នាំ គឺទទួលរងគ្រោះដោយខ្យល់កន្រ្តាក់ បង្កឲ្យខូចខាត លំនៅដ្ឋាន ប្រជាពលរដ្ឋ សាលារៀន វត្តអារាម។ល។
ដោយមានការយកចិត្តទុកដាក់ពីសំណាក់ ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង មេបញ្ជាការ កងទ័ពជើងគោក បានផ្តល់ស័ង្កសី ដើម្បីរក្សាទុកនៅអង្គភាពកងពលតូចថ្មើរជើងលេខ៥១ ត្រៀមសម្រាប់ជួយជួសជុល និងកសាងផ្ទះជូនប្រជាពលរដ្ឋឡើងវិញ ក្នុងប្រតិបត្តិការជួយសង្រ្គោះប្រជាពលរដ្ឋរងគ្រោះដោយខ្យល់កន្រ្តាក់បានទាន់ពេលវេលា៕
