ភ្នំពេញ ៖ នៅថ្ងៃទី ១០ ខែ សីហា ឆ្នាំ២០២២ វេលាម៉ោង០៣ និង០០នាទី រំលងអធ្រាត កំលាំងជំនាញខណ្ឌប្ញស្សីកែវ បានបង្ក្រាបជាក់ស្ដែងករណីជួញដូរដោយខុសច្បាប់នូវសារធាតុញៀនត្រង់ចំណុចផ្លូវ បេតុង ភូមិបឹងសាឡាង សង្កាត់ឬស្សីកែវ ខណ្ឌឫស្សីកែវ រាជធានីភ្នំពេញ។
លោកវរសេនីយ៍ឯក ហ៊ាង ថារ៉េត អធិការនគរបាលខណ្ឌឫស្សីកែវបានឱ្យដឹងថា ជាលទ្ធផលកំលាំងជំនាញខណ្ឌបានធ្វើការឃាត់ខ្លួនជនសង្ស័យចំនួន ០២នាក់មាន៖
១.ឈ្មោះ សៀក លីវន្ត៍ ភេទ ប្រុស អាយុ ១៩ឆ្នាំ មានទីលំនៅ ផ្ទះជួល ផ្លូវលំ ខណ្ឌជ្រោយចង្វា រាជធានីភ្នំពេញ មុខរបរ និស្សិត។
២. ឈ្មោះ សយ រដ្ឋា ភេទ ប្រុស អាយុ ១៩ឆ្នាំ ជនជាតិខ្មែរ មានទីលំនៅផ្ទះគ្មានលេខ ផ្លូវ ២៩៩ សង្កាត់បឹងកក់២ ខណ្ឌទួលគោក រាជធានីភ្នំពេញ មុខរបរ និស្សិត។
សម្ភារះដកហូតបានរួមមាន៖
១-ក្រាមពណ៌សថ្លាសង្សយ័ជាគ្រឿងញៀនចំនួន ០៩កញ្ចប់ ថ្នាំគ្រាប់ពណ៌បៃតង ចំនួន ០២ កញ្ចប់ និងម្សៅថ្នាំកញ្ចប់ពណ៌ខៀវ មានរូបផ្លែទំពាំងបាយជូរ ចំនួន ០៤កញ្ចប់ ( ជារបស់ជនសង្សយ័ឈ្មោះ សយ រដ្ឋា)
២– ម៉ូតូ ហុងដា ស្កូពី ០១គ្រឿង ពណ៌ខ្មៅពាក់ផ្លាកលេខ ភ្នំពេញ 1IX-3504
៣– ទូរសព្ទដៃចំនួន ០២គ្រឿង។
បច្ចុប្បន្នជនសង្ស័យ រួមទាំងវត្ថុតាងដកហូតបានខាងលើ ជំនាញខណ្ឌ ប៉ុស្តិ៍ បានកសាងសំណុំរឿងបញ្ចូនទៅសាលាដំបូងរាជធានីភ្នំពេញ ដើម្បីអនុវត្តន៍តាមនីតិវិធីច្បាប់៕
