ខេត្តស្វាយរៀង៖ លោកស៊ូ ម៉ុលអភិបាលស្រុករមាសហែក ជំរុញដល់គណៈកម្មាធិការលទ្ធកម្ម ត្រូវពិនិត្យលើការបំពេញឯកសារដេញថ្លៃ អោយបានត្រឹមត្រូវ ច្បាស់លាស់ស្របតាមគោលការណ៍នៃនាំ ស្តីពីការអនុវត្តគម្រោងមូលនិធិឃុំ សង្កាត់និងត្រូវរៀបចំរបាយការណ៍ កំណត់ហេតុបានច្បាស់លាស់ ព្រមទាំងផ្ញើទៅទីចាត់ការផែនការ និងវិនិយោគខេត្តឲ្យបានទាន់ពេលវេលា។
ការជំរុញបែបនេះធ្វើឡើងនាព្រឹកថ្ងៃទី២៣ ខែសីហា ឆ្នាំ២០២២ ក្នុងពិធីបើកការដេញថ្លៃគម្រោងអភិវឌ្ឃន៏មូលនិធិឃុំ ឆ្នាំ២០២២ របស់ឃុំអង្គប្រស្រែនិងឃុំអណ្ដូងពោធ៏នៅស្រុករមាសហែកនៃខេត្ដស្វាយរៀង។
លោកបន្តថា នៅពេលដេញថ្លៃរួច ហើយត្រូវបានសម្រេចយកអ្នកទទួលការណាមួយនោះ គណៈកម្មាធិការលទ្ធ កម្មត្រូវរៀបចំ ចុះកិច្ចសន្យាអនុវត្តគម្រោង ក្រោយរយៈពេលដេញថ្លៃមួយសប្តាហ៍ (ថ្ងៃធ្វើការ) ប្រសិនបើមិនមានការជំនាស់ ពីឯកឧត្តមអភិបាលខេត្តទេ។
លោកតំណាងម្ចាស់គម្រោងត្រូវតាមដានការអនុវត្តគម្រោងអោយបានហ្មត់ចត់ផ្ទៀងផ្ទាត់តាមលក្ខខណ្ឌ ដែលបានចុះកិច្ចសន្យារួចហើយ ចំពោះអ្នកទទួលការ ត្រូតពិនិត្យ និងពិចារណាឲ្យបានល្អិតល្អន់មុនដាក់ដេញថ្លៃ ត្រូវមានការ ប្រកួតប្រជែងគ្នា ត្រូវមានការកក់ទៅតាមការណែនាំជាធរមាន ក្នុងការដេញថ្លៃគម្រោងមូលនិធិ ឃុំ សង្កាត់ ។
លោកបានបន្ថែមថាពេលដេញថ្លៃឈ្នះ អ្នកទទួលការត្រូវតែចុះកិច្ចសន្យាជាមួយម្ចាស់គម្រោង តាមពេលវេលាដែល
គណៈកម្មាធិការលទ្ធកម្មអញ្ជើញ ហើយក៏ត្រូវអនុវត្តតាមផែនការការងារ បទដ្ឋានបច្ចេកទេស
ជៀសវាងការអូសបន្លាយក្នុងពេលអនុវត្តគម្រោងខណះការប្រកាសលទ្ធផល នៃការដេញថ្លៃត្រូវបានប្រកាសជូនជាសាធារណៈ។
សាជាថ្មីម្តងទៀតលោកអភិបាលស្រុករមាសហែក សូមថ្លែងអំណគុណចំពោះ លោក លោកស្រី ដែលបានខិតខំប្រឹងប្រែងបំពេញការងារ ហើយសម្រេចដាក់ឲ្យដេញថ្លៃនាពេលនេះ និងមាន សង្ឈឹមថា ការដេញថ្លៃគម្រោងអភិឌ្ឍន៍មូលនិធិឃុំ ក្នុងស្រុករមាសហែកនាពេលនេះ ពិតជាប្រព្រឹត្តទៅប្រកបដោយជោគជ័យ ៕
