ខេត្ដកំពង់ចាម ៖ គម្រោងមូលនិធិឃុំ -សង្កាត់ ឆ្នាំ ២០២២ របស់ គណៈកម្មការជាតិសម្រាប់ការអភិវឌ្ឍន៍ តាម បែប ប្រជាធិបតេយ្យ នៅ ថ្នាក់ ក្រោមជាតិ ក្នុងការកសាងហេដ្ឋារចនាសម្ពន្ធ័នៅភូមិសាស្ត្រ ស្រុកកំពង់សៀម ត្រូវបានដាក់ឲ្យដំណើរការដេញថ្លៃដេីម្បី សាងសង់ ផ្លូវ បេតុង និង ជួសជុល ទំនប់ ចំនួន ៤ខ្សែ នាព្រឹក ថ្ងៃទី ២៩ ខែសីហា ឆ្នាំ២០២២ នៅសាលាឃុំ គៀនជ្រៃ ត្រូវ បាន គេ សង្កេតឃើញ ថា តម្លៃ បានធ្លាក់ចុះទាបជាងពាក់កណ្ដាល នៃ តម្លៃប៉ាន់ស្មាន ចំនួន ៣គម្រោង ចំណែក១គម្រោងទៀតមិនគ្រប់ លក្ខខណ្ឌ ត្រូវ បានបញ្ជូនទៅថ្នាក់លើ ដេីម្បីសុំគោលការណ៍ ។
ឆ្លៀតក្នុងឱកាសនោះដែរ លោក ឡី មិច នាយករងរដ្ឋបាល ខេត្តកំពង់ចាមបានសំណូមពរដល់តំណាងក្រុមហ៊ុន ត្រូវ គោរពតាមក្រមសីលធម៌របស់អ្នកទទួល ការឲ្យបានល្អប្រសើរព្រមទាំងបានធ្វេីការ ណែនាំជំរុញដល់គណៈកម្មការលទ្ធកម្ម និងក្រុមហ៊ុនទទួលការទាំងអស់ត្រូវ អនុវត្តគម្រោងឲ្យមានតម្លាភាពនិងធ្វើ ការសាងសង់សំណង់ឲ្យត្រូវតាម បទដ្ឋានលក្ខណៈបច្ចេកទេស ប្រយោជន៍ ដល់ការប្រើប្រាស់បានយូរអង្វែងផងដែរ ។
គួរបញ្ជាក់ផងដែរថាការដាក់ដេញថ្លៃ គម្រោងខាងលើនេះគឺមានផ្លូវបេតុងអាមេ ចំនួន៣គម្រោង និង ជួសជុលទំនប់ ១គម្រោង ក្នុងនោះ ១-គម្រោង នៅឃុំ ក្រឡា សាងសង់ផ្លូវបេតុងអាមេ ប្រវែង ៧៩៩ម៉ែត្រទទឹង ៤ម៉ែត្រ នៅភូមិត្រពាំងថ្ម ក្នុងតម្លៃប៉ាន់ស្មា ជាង ៣២៦លានរៀល បានទៅលើក្រុមហ៊ុនកៅ ប៊ុនណាក់ ក្នុងតម្លៃ ១២៤លានរៀល ។
២- គម្រោង នៅឃុំ ហាន់ជ័យសាងសង់ផ្លូវបេតុងអាមេ ប្រវែង ៣៤៥ម៉ែត្រ ទទឹង ៤ម៉ែត្រ នៅភូមិក្រូចសើច ក្នុង តម្លៃ ប៉ាន់ស្មាន ជាង ១៦០លានរៀល បាន ទៅ លើ ក្រុម ហ៊ុន អ៊ឹង ចាន់ឡា ក្នុង តម្លៃ ជាង ៥៣លានរៀល ។
៣-គម្រោង នៅ ឃុំ គៀនជ្រៃ សាងសង់ផ្លូវបេតុងអាមេ ប្រវែង ៤០៧ម៉ែត្រ ទទឹង៤ម៉ែត្រ នៅភូមិបឹងបបុះ ក្នុង តម្លៃ ប៉ាន់ស្មាន ជាង ១៧៩លានរៀល បាន ទៅ លើ ក្រុម ហ៊ុន កេត សុខគៀង ក្នុង តម្លៃ ៧៣លានរៀល ។
៤-គម្រោងជួសជុលទំនប់ និងសាងសង់ទ្វារទឹក នៅ ឃុំ គៀនជ្រៃ ដដែល ត្រូវបាន បញ្ជូន ទៅ ថ្នាក់ លើ ដេីម្បី សុំ គោលការណ៍ សម្រេច ព្រោះ សំណេីរ មិន គ្រប់ លក្ខខណ្ឌ របស់ អ្នក ទទួល ការ ៕
