ភ្នំពេញ៖ សង្វៀងជល់មាន់ដ៏ធំ កំពុងបើកដំណើរការយ៉ាងរលូនឲ្យអ្នកញៀនល្បែងចូលលេងគគ្រឹកគគ្រេង រីឯអាជ្ញាធរមានសមត្ថកិច្ចសង្កាត់ ខណ្ឌ ធ្វើដូចជាមិនដឹង មិនឮ ប្រជាពលរដ្ឋសង្ស័យថា ទំនង ជាត្រូវថ្នាំពួក ម្ចាស់សង្វៀនជល់មាន់ ចាក់លុយធំៗនោះហើយ។
សង្វៀនជល់មាន់នេះ នៅក្នុងឃ្លាំងមួយកន្លែង ស្ថិតនៅជិតសាលាកូរ៉េ ម្ដុំទំនប់កប់ស្រូវ មូលដ្ឋានសង្កាត់គោករការ ខណ្ឌព្រែកព្នៅ រាជធានីភ្នំពេញប្រមូលផ្ដុំមនុស្សជាច្រើន ចូលលែងល្បែងភ្នាល់ រាប់សិបម៉ឺនដុល្លារ។
ក្រុមអ្នកជល់មាន់ទាំងនោះមិនញញើតច្បាប់ទម្លាប់អ្វីទេ។ទំនងជាយល់ថាហៅកែសង្វៀនជល់មាន់នេះអាចការពារសុវត្ថិភាពដល់ពួកអ្នកលេងទាំងនោះបានសេចក្តីសុខចម្រើនហើយមើលទៅ។
ពលរដ្ឋ សំណូមពរដល់អាជ្ញាធរមូលដ្ឋានខណ្ឌព្រែកព្នៅ ដែលមានលោកធឹម សំអាន អភិបាលនៃគណៈអភិបាល ខណ្ឌ និងលោក វរសេនីយ៍ឯក ឈិន គឹមធុយ អធិការ នគរបាលខណ្ឌ គួរមានវិធានការចុះបង្ក្រាបផង។ ការណ៍ ដែលអាជ្ញាធរមានសមត្ថកិច្ចមិនចុះបង្ក្រាបសង្វៀនជល់ មាន់នេះនាំឲ្យប្រជាពលរដ្ឋយល់ថា អស់លោកមាន សមត្ថកិច្ចពុករលួយជាមួយថៅកែសង្វៀនជល់មាន់។
លោក វរសេនីយ៍ឯក ឈិន គឹមធុយ អធិការនគរបាកខណ្ឌព្រែកព្នៅ តាមរយៈប្រព័ន្ធtelegram លោកបានឆ្លើយតបប្រាប់ថា លោកទទួលបានព័ត៌មានហើយ លោកនឹងមានវិធានការ ឲ្យប៉ុស្តិ៍ចុះធ្វើការអប់រំ និងកិច្ចសន្យាបិទទីតាំងនេះ។
ភ្នាក់ងារ បន្តទំនាក់ទំនងទៅ លោក អនុសេនីយ៍ឯក ផង់ ជា នាយប៉ុស្តិ៍នគរបាលរដ្ឋាបាលគោករការ តាមប្រព័ន្ធtelegram ពាក់ព័ន្ធករណីនេះ លោកបានចូលមើលនិងស្ដាប់ ប៉ុន្តែមិនមិនការឆ្លើយតបឡើយ។ បើទោះជាយ៉ាងណាក៏ដោយសង្វៀនជល់មាន់នោះត្រូវគេអះអាងថាលេងតែបីថ្ងៃប៉ុណ្ណោះក្នុងមួយសប្តាហ៍ហើយអាជ្ញាធរមានសមត្ថកិច្ចមិនបង្ក្រាបនោះទេ។ ការដែលអាជ្ញាធរមិនបង្ក្រាបមិនមែនមានន័យថាមិនដឹងនោះទេប៉ុន្តែទំនងជាមានអាថ៌កំបាំងអ្វីមួយ៕
