ខេត្ដស្វាយរៀង ៖ នារសៀលថ្ងៃសៅរ៍ទី០១ ខែតុលាឆ្នាំ២០២២នេះ លោក ហែម សុីណា អភិបាលស្រុករំដួលអមដំណើរដោយលោកនៃ ស អភិបាលរង នៃគណៈអភិបាលស្រុករំដួល បានចុះជួបសំណេះសំណាល សួរសុខទុក្ខ ដល់គ្រួសារសពចំនួន ៣គ្រួសារ និងនាំយក អំណោយមនុស្សធម៌របស់អនុសាខាកាកបាទក្រហមកម្ពុជាស្រុករំដួល ចែកជូនដល់គ្រួសារសពចំនួន៣គ្រួសារសពទី១.នៅឃុំមុឺនជ័យ ទី២.នៅឃុំធ្មា និងទី៣.នៅឃុំពងទឹក ស្ថិតនៅក្នុងស្រុករំដួល ខេត្តស្វាយរៀង។
មានប្រសាសន៍សំណេះសំណាលនាឱកាសនោះ លោក ហែម សុីណា បានពាំនាំនូវប្រសាសន៍ផ្តាំផ្ញើសាកសួរសុខទុក្ខ និងក្តីនឹករលឹកពីសំណាក់សម្តេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលជានិច្ចកាលសម្តេចតែងតែគិតគូរដល់សុខទុក្ខប្រជាពលរដ្ឋគ្រប់ស្រទាប់វណ្ណ:ដោយមិនប្រកាន់ពណ៌សម្បុរ ពូជសាសន៍ និន្នាការនយោបាយអ្វីឡើយ ស្របតាមពាក្យស្លោក“ទីណាមានទុក្ខលំបាក ទីនោះមានកាកបាទក្រហមកម្ពុជា ” ។
លោក ហែម សុីណា អភិបាលស្រុករំដួលបានផ្តាំផ្ញើបន្ថែមដល់បងប្អូនប្រជាពលរដ្ឋទាំងអស់ សូមមានការប្រុងប្រយ័ត្នខ្ពស់បំផុតក្នុងការថែរក្សាសុខភាព ហើយកត្តាដែលសំខាន់នោះ គឺការរស់នៅត្រូវប្រកាន់យកនៅការរស់នៅស្អាត ពិសារទឹកដាំពុះ ហូបស្អាត សម្អាតបរិស្ថានជុំវិញផ្ទះ ណែនាំកូនចៅឲ្យគោរពច្បាប់ចរាចណ៍ ជៀសឱ្យឆ្ងាយពីគ្រឿងញៀន គេងក្នុងមុងដើម្បីការពារជំងឺគ្រុនឈាម ហើយត្រូវដាំដំណាំ ចិញ្ចឹមសត្វ ដើម្បីផ្គត់ផ្គង់ជីវភាពប្រចាំថ្ងៃឱ្យកាន់តែប្រសើ ។
ជាពិសេសនោះ លោក ហែម សុីណា អភិបាលនៃគណៈអភិបាលស្រុករំដួល សូមក្រើនរម្លឹកដល់ប្រជាពលរដ្ឋនៅតាមមូលដ្ឋានកុំឲ្យធ្វេសប្រហែសឲ្យសោះពីជំងឺកូវីដ-១៩ ទោះបីជានៅក្នុងប្រទេសកម្ពុជាជំងឺកូវីដនេះមានការធូរស្រាលក៏ដោយ ក៏ត្រូវអនុវត្តតាមការណែនាំរបស់ក្រសួង សុខាភិបាល និងអនុវត្ត ៣កុំ ៣ការពារ ឱ្យបានខ្ជាប់ខ្ជួន ៕
