ភ្នំពេញ ៖ តាមការបញ្ជាក់ពី លោកប៉ែន រដ្ឋា បានថ្លែង ប្រាប់អង្គភាពសារព័ត៌មានយេីងឲ្យដឹងកាលពីថ្ងៃទី៣០ កញ្ញា ឆ្នាំ ២០២២ ថា លោកឧកញ៉ា នួន អក បានទទួលលុយលក់ដីគ្រប់ចំនួន១០០% ហើយបានសន្យាផ្តិតមេដៃនឹងរត់ការផ្ទេរកម្មសិទ្ធឱ្យរួចរាល់ក្នុងរយៈពេល៤ខែ តែមកដល់ថ្ងៃនេះ៦ខែហើយ មិនគួរធ្វើព្រងើយកន្តើយគេចវេសពីការទទួលខុសត្រូវឡើយ ។ លោកបានព្យាយាមសម្របសម្រួលទុកពេលឱ្យច្រើនហើយ តែលោកឧកញ្ញ៉ា នៅតែគេចវេសពីការទទួលខុសត្រូវ មិនទទួលទូរស័ព្ទ គ្មានដំណោះស្រាយ លោកថាខ្ញុំឈប់បក់ផ្សែងហើយ ដល់ពេលពន្លត់ភ្លើងហើយ ។ ខ្ញុំឈប់រង់ចាំសន្យាខ្យល់ទៀតហើយ ត្រូវចេញមុខដោះស្រាយជាបន្ទាន់ កុំឱ្យរឿងរ៉ាវរីកធំជាង ។
លោក ប៉ែន រដ្ឋា បន្ដថាលោកបានទិញដីចំនួន០៤ឡូត៍ពីលោកឧកញ៉ា នួន អក ដែលមានទីតាំងស្ថិតនៅភូមិព្រែកក្រចៅទី២ ឃុំព្រែកអំពិល ស្រុកខ្សាច់កណ្តាល ខេត្តកណ្តាល ក្នុងតំលៃ២១.៥០០$(ពីរមុឺនមួយពាន់ប្រាំរយដុល្លា) ។ លោកបន្ថែមថាការធ្វើបែបនេះ របស់ លោកនួន អក ដោយមិនទទួលខុសត្រូវហេីយនិយាយជារួមពិបាកតែ ម្ដងដោយព្យាយាមគេចវេសដោយគ្មានទំនួលខុសត្រូវនោះឡេីយ ។
លោក ប៉ែន រដ្ឋា ថាដោយអស់ជម្រើស លោកមានតែសំណូមពរដល់អ្នក សារព័ត៌មាន ដេីម្បីជួយផ្សព្វផ្សាយដេីម្បី ជូនជាដំណឹង ដល់ លោកនួន អក ចូល ខ្លួនមកដោះស្រាយគ្នា បេីពុំដូចច្នោះទេលោកនឹងមានវិធានការតាមផ្លូវច្បាប់ ។
ពាក់ព័ន្ធករណីនេះដែរក្រុមការងារអង្គភាពសារព័ត៌មានយើងព្យាយាមទំនាក់ទំនងទៅលោកឧកញ៉ា នួន អក ដើម្បីសុំការបំភ្លឺដែរតែទូរស័ព្ទមិនអាចទំនាក់ទំនងបាន។
ជុំវិញករណីខាងលើនេះដែរអង្គភាព សារព័ត៌មានយេីងក៏រង់ចាំបកស្រាយបំភ្លឺ ចំពោះភាគីពាក់ព័ន្ធផ្សេងទៀតរៀងរាល់ ម៉ោងធ្វើការ ៕
