កំពង់ឆ្នាំង ៖ ករណីនេះបានរងការរិះគន់ពីមហាជនយ៉ាងខ្លាំងពីមហាជនតាមបណ្តាញសង្គម ដោយលើកឡើងថា គ្រាន់តែលេងបាល់ទះបន្តិចបន្តួចតាមភូមិសោះ ក៏ត្រូវសមត្ថកិច្ចហៅធ្វើកិច្ចសន្យាដែរ !!! យោងកិច្ចសន្យាបញ្ឃប់ការលេងល្បែងស៊ីសង (បាល់ទះ ) ចុះថ្ងៃទី 26 ខែ តុលា ឆ្នាំ 2022 មានឈ្មោះ កែវ ណារី ភេទស្រី អាយុ 40 ឆ្នាំ រស់នៅភូមិ មានកកើត ឃុំ ត្បែងខ្ពស់ ស្រុកសាមគ្គីមានជ័យ ខេត្តកំពង់ឆ្នាំង ដែលមានមុខរបរជាអ្នកលក់ដូរ ហេតុការណ៍រនេះបានកើតឡើងកាលពីថ្ងៃ 26 ខែ 10 ឆ្នាំ 2022។
លោក ឈួន ចាន់ណា អភិបាលនៃគណៈអភិបាល ស្រុកសាមគ្គឺមានជ័យ ខេត្តកំពង់ឆ្នាំង បានបញ្ជាក់ឲ្យដឹងថា កាលដែលអាជ្ញាធរបង្ក្រាបទីតាំងបាល់ទះមួយកន្លែងនេះ ដោយសារតែការលេងល្បែងបាល់ទះ បានភ្នាល់លុយជិតពាន់ដុល្លារ ដែលមានអ្នកលេងមកពីបណ្ដាខេត្តផ្សេងៗ ប្រសិនបើលេងក្នុងករណីកំសាន្តយកញើស ដើម្បីសុខភាព អាជ្ញាធរមិនបង្ក្រាបនោះទេ។
យោងតាមលិខិតបំភ្លឺសារព័ត៍មាន រដ្ឋបាលស្រុកសាមគ្គីមានជ័យ ចុះថ្ងៃទី 27 ខែ 10 ឆ្នាំ 2022 សូមធ្វើការបំភ្លឺសារព័ត៌មាន និងឆ្លើយតបចំពោះ ម្ចាស់គណនីហ្វេសប៊ុកមានឈ្មោះ BunThornLay ដែលបានសរសេរផុសក្នុងបណ្តាញ សង្គមថា “កុំចេះតែហ៊ាន ស្រុកខ្ញុំអញ្ចឹង តារាងបាលទះក៏ចាប់ដែរ អគុណបងបងដែលអនុវត្ត “ច្បាប់“ នៅថ្ងៃទី 26 ខែតុលា ឆ្នាំ 2022 វេលាម៉ោង 11 និង 36 នាទីព្រឹក គណៈ បញ្ជការ ឯកភាពរដ្ឋបាលស្រុក បានទទួលដំណឹងពីប្រជាពលដ្ឋបានរាយការណ៍ថា កន្លែងលេងបាល់ ទះ 1 កន្លែង នៅទីតាំងនោះមានការភ្នាល់ដាក់ប្រាក់រហូតដល់ជិតមួយពាន់ដុល្លា គណៈបញ្ហាការឯកភាពរដ្ឋបាលស្រុក បានចុះធ្វើកិច្ចសន្យា និងណែនាំអប់រំដល់ម្ចាស់តារាងបាល់ ទះឈ្មោះ កែវ ណារី ស្ថិតនៅភូមិមានកកើត ឃុំត្បែងខ្ពស់ ស្រុកសាមគ្គីមានជ័យ ខេត្តកំពង់ឆ្នាំង ឈប់ឲ្យមានការភ្នាល់ចំពោះកីឡាដែលលេងដើម្បីសុខភាព គណៈបញ្ជាការឯកភាព រដ្ឋបាលស្រុក ពុំមានការហាមឃាត់នោះទេ មានតែលើកស្ទួយដល់វិស័យកីឡាបន្ថែមទៀត។
➡️សូមរំលឹកថា កាលពីថ្ងៃទី 12 ខែ 10 ឆ្នាំ 2022 នៅក្នុងពិធីប្រកាសចូលកាន់តំណែង លោក ឈួន ចាន់ណា ជាអភិបាលនៃគណៈអភិបាល ស្រុកសាមគ្គីមានជ័យ ឯកឧត្តម ស៊ុន សុវណ្ណារិទ្ធ អភិបាលនៃគណៈអភិបាលខេត្ត ជាអធិបតីភាព បានថ្លែងថា អភិបាលស្រុកថ្មី ត្រូវខិតខំប្រឹងធ្វើការបម្រើប្រជាពលរដ្ឋឱ្យបានល្អ ប្រកបដោយសាមគ្គីភាព ពិសេសរក្សាឱ្យបានសន្តិសុខ សណ្ដាប់ធ្នាប់សារធារណៈនិងសុវត្ថិភាពសង្គម យកចិត្តទុកដាក់ជំរុញបំផុសចលនាប្រជាជនគ្រប់មជ្ឈដ្ឋានឱ្យចូលរួមក្នុងការអនុវត្តគោលនយោបាយភូមិ ឃុំ មានសុវត្ថិភាព ដើម្បីរួមគ្នាបង្ការ ទប់ស្កាត់ និងបង្រ្កាបបទល្មើសនានា ពិសេសសកម្មភាពលួចឆក់ ប្លន់ បទល្មើសគ្រឿងញៀន ល្បែងស៊ីសងខុសច្បាប់ ការជួញដូរមនុស្ស និងសកម្មភាពក្មេងទំនើងជាដើម ៕
