ស្វាយរៀង ៖ នៅថ្ងៃទី១៥ ខែវិច្ឆការ ឆ្នាំ២០២២ ក្រុមហ៊ុនឆ្នោតខ្មែរមហាសំណាង(ទឹកច្រើន ឈ្នះច្រើន) ដឹកនាំដោយលោក ស៊ាម ពិសី នឹងលោក ឌុច ជីវ័ន្ត តំណាងលោក Stenphen បាននាំយកសំភារៈគ្រឿងឧបភោគបរិភោគរួមនិងថវិកាមួយចំនួន ជូនដល់សាលាសង្តាត់ប្រាសាទ និងប៉ុស្តិ៍នគរបាលរដ្ឋបាលប្រាសាទ ដើម្បីចាត់ចែងប្រើប្រាស់នៅក្នុងអង្គភាព ដែលមានទីតាំងស្ថិតនៅសង្កាត់ប្រាសាទ ក្រុងបាវិត ខេត្តស្វាយរៀង ។
ក្រុមហ៊ុនខ្មែរមហាសំណាង ជាក្រុមហ៊ុនឆ្នោតខ្មែរស្របច្បាប់មានអជ្ញាបណ្ណត្រឹមត្រូវ និងមានប្រតិបត្តិការទូទំាងព្រះរាជាណាចក្រកម្ពុជាដោយអនុលោមទៅតាមច្បាប់ និងគោលការណ៏ណែនាំរបស់រាជរដ្ឋាភិបាលនៃព្រះរាជាណាចក្រកម្ពុជា។
ក្រុមហ៊ុនខ្មែរមហាសំណាងតែងតែចូលរួមចំណែកការងារសង្គមនៅទូទាំងប្រទេស និងនៅតែបន្តនាំយកនូវថវិកានិងសំភារៈផ្សេងៗ ជួយដល់ជនក្រីក្រខ្វះខាតខ្លាំង អាជ្ញាធរមូលដ្ឋាន និងជាពិសេសជនងាយរងគ្រោះជាបន្តបន្ទាប់នៅតាមមូលដ្ឋាន ពោលគឺជួយទៅតាមអ្វីដែលក្រុមហ៊ុនអាចជួយទៅបាន។
សម្ភារៈដែលនាំយកទៅជូនដល់រួមមាន ៖ទី០១-សាលាសង្កាត់ប្រសាទ ៖ ទឹកបរិសុទ្ធចំនួន ១៥កេស ; កៅអីជ័រចំនួន ២០កៅអី;
-ឆ្នាំដាំបាយអគ្គិសនី០១ ; កំសៀវទឹកក្តៅ០១
-កែវទឹកចំនួន0២ឡូត៍ និងថវិកាចំនួន ៣០ម៉ឺនរៀល។
ទី០២ – ប៉ុស្តិ៍នគរបាលរដ្ឋបាលប្រាសាទមាន ៖ ទឹកបរិសុទ្ធចំនួន 0៥កេស ; ភេជ្ជៈចំនួន ០២កេស និងថវិការចំនួន ២០ម៉ឺនរៀលផងដែរ។
ឆ្លៀតនៅក្នុងឪកាសនោះដែរលោកចៅសង្កាត់ និងលោកនាយប៉ុស្តិ៍នគរបាលរដ្ឋបាលប្រាសាទសូមថ្លែងអំណរគុណយ៉ាងជ្រាលជ្រៅដល់ក្រុមហ៊ុនឆ្នោត ខ្មែរមហាសំណាង ដែលបានផ្តល់ជាសម្ភារៈ និង ថវិកា ដល់សាលាសង្កាត់ និងប៉ុស្តិ៍រដ្ឋបាលដើម្បីចាត់ចែងប្រើប្រាស់នៅក្នុងអង្គភាព សូមជូនពរឲ្យក្រុមហ៊ុនទទួលបានជោគជ័យ និងរីកចម្រើនក្នុងមុខជំនួញកាន់តែខ្លាំងឡើងថែមទៀត៕
