ខេត្តស្វាយរៀង៖ លោក ហែម សុីណា អភិបាលស្រុករំដួល និងក្រុមការងារ បានអញ្ជើញជួបសំណេះសំណាលនិងចែកប័ណ្ណសរសើរដល់សិស្សានុសិស្ស ចំនួន១១៥នាក់នៅវិទ្យាល័យហ៊ុនសែន ពងទឹក ចំណាត់ថ្នាក់លេខ១ដល់លេខ៥ ចាប់ពីថ្នាក់ទី៧ដល់ ទី១២ ។
ពិធីនេះធ្វើឡើងនាព្រឹកថ្ងៃទី២១ ខែវិច្ឆិកា ឆ្នាំ ២០២១ នៅវិទ្យាល័យហ៊ុនសែន ពងទឹក ស្ថិតតក្នុងភូមិទូលតាកែវ ឃុំពងទឹក ស្រុករំដួល ខេតស្វាយរៀង ។
ក្នុងពិធីនេះដែរមានការអញ្ជើញចូលរួមពី៖ មន្ដ្រីសាលាស្រុក លោកអនុប្រធានការិយាល័យអប់រំស្រុក លោកនាយកសាលា លោកនាយរង លោកគ្រូ អ្នកគ្រូ ម្ដាយឪពុកសិស្សានុសិស្ស និង សិស្សានុសិស្ស ជាច្រើននាក់ផងដែរ ។
ក្នុងឱកាសនោះលោកហែម សុីណា អភិបាលស្រុករំដួល ក៏បានជំរុញនិងលើកទឹកចិត្តដល់ក្មួយៗសិស្សានុសិស្សទាំងអស់ ដែលប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ត្រូវខិតខំប្រឹងប្រែងយកចិត្តដាក់ក្នុងការរៀនសូត្រឱ្យអស់ពីសមត្ថភាព ។
លោកបន្តថា ហើយត្រូវធ្វើឱ្យបានលើគ្រប់វិញ្ញាសារក្នុងការប្រឡងប្រឡងឱ្យបានជាប់និទ្ទេសល្អទាំងអស់គ្នា ជាពិសេសបើប្រឡងជាប់បាននិទ្ទេស A ក្មួយៗ មានកិត្តិយសនិងលើកមុខមាត់ដល់ឪពុកម្ដាយក្រុមគ្រួសារក្មួយ ថែមទាំងបានអំណោយនិងវត្ថុ អនុស្សាវរីយ៍ពីឯកឧត្តមអភិបាលខេត្តខេត្តស្វាយរៀងផងដែរ ។
ជាមួយគ្នានេះដែរ លោក ហែម សុីណា អភិបាលស្រុករំដួល ក៏បានជូនពរដល់សិស្សានុសិស្សទាំងអស់ឱ្យទទួលបានលទ្ធផលជោគជ័យ និងទទួលបាននិទ្ទេសល្អគ្រប់ៗគ្នា ហើយក៏សូមអរគុណដល់លោកគ្រូអ្នកគ្រូទាំងអស់ដែលបានយកចិត្តទុកដាក់ខិតខំបង្រៀនដល់សិក្សានុសិស្ស នៅវិទ្យាល័យហ៊ុន សែនពងទឹក ស្រុករំដួលយើងនេះសូមឱ្យជួបពុទ្ធពរទាំងបួនប្រការគឺអាយុវណ្ណៈសុខៈពលៈបដិប្បនៈ កុំបីឃ្លាតឃ្លៀងឡើយ ៕ដោយ៖ប៉ែន ឡា
