ខេត្ដស្វាយរៀង ៖ ក្រោយពីមានសេចក្ដីរាយការ ណ៍មកថាមានក្រុមរថយន្ដដឹកដីត្រូវបានគេស្គាល់ថា ជាក្រុមហ៑ុនរបស់លោក ជុំ ខាន់ បានដឹកដីបណ្ដាលឲ្យផ្លូវបេតុងអាមេមួយខ្សែរងការខូចខាតនៅចំណុច ត្រង់ផ្លូវចូលទៅអធិការដ្ឋាននគរបាលស្រុករំដួល ស្ថិតនៅក្នុងភូមិចក ឃុំកំពង់ចក ស្រុករំដួល ខេត្ដស្វាយរៀង នៅព្រឹកថ្ងៃទី១២ ខែធ្នូ ឆ្នាំ២០២២ លោក ហែម សុីណា អភិបាលស្រុករំដួល បានដឹកនាំមន្ដ្រីសាលា ជំនាញពាក់ព័ន្ធចុះត្រួតពិនិត្យផ្លួវបេតុងអាមេមួយខ្សែដែលរងការខូចខាតនោះ នឹងបានណែនាំក្រុមហ៑ុនរបស់លោក ជុំ ខាន់ ឲ្យជួសជុលសងវិញតាមកិច្ចសន្យាដើម្បីឲ្យបងប្អូនប្រជាពលរដ្ឋធ្វើដំណើរបានស្រួលដូចធម្មតាវិញ ។
លោក ហែម សុីណា បានឲ្យដឹងថា ក្រុម ហ៑ុនរថយន្ដដឹកដីរបស់លោក ជុំ ខាន់ នេះគឺមានឯកសារទាំងអស់នៅសាលាស្រុក ហើយពេលនេះក្រុមហ៑ុនរបស់លោក ជុំ ខាន់ បានជួសជុលផ្លូវបណ្ដោះអាសន្នដើម្បីឲ្យបងប្អូនប្រជាពលរដ្ឋធ្វើដំណើរសិន ហើយក្រុមហ៑ុននឹងធ្វើសងវិញបន្ទាប់ពីដឹករួច លោកបានបន្ថែថាក្រុមហ៊ុនដឹកដីមួយណាក៏ដោយដែលមករកសុីក្នុងទឹកដីស្រុករំដួលឲ្យតែធ្វើឲ្យខូចផ្លូវនិងតម្រូវឲ្យធ្វើសងវិញទាំងអស់តាមកិច្ចសន្យា។
ពលរដ្ឋសាទរទៅលើលោក ហែម សុីណា អភិបាលស្រុកបានដែលបានដោះបញ្ហានេះទាន់ពេលវេលានិងមិនឲ្យពលរដ្ឋខកចិត្ដនោះឡើយ ដូចអ្វីដែលគេលើកឡើងមែននៅមូលដ្ឋានស្រុករំដួល ទីណាមានពលរដ្ឋជួបទុក្ខលំបាកទីនោះមានលោក ហែម ស៊ីណា អភិបាលស្រុករំដួល ចុះជួយនិងដោះស្រាយ ហើយអ្វីដែលពលរដ្ឋសង្ឃឹមជឿជាក់នោះពិតជាមិនខុសបំណងឡើយ ៕
