ខេត្ដស្វាយរៀង ៖ អាជ្ញាធរស្រុករំដួល ដឹកដោយលោកហែម សុីណា បានចុះពិនិត្យ និងបញ្ឍប់សកម្មភាពការសាងសង់លើដីចំណីផ្លូវ មួយកន្លែងស្ថិតនៅភូមិព្រៃគាវ ឃុំកំពង់ចក ស្រុករំដួល ខេត្ដស្វាយរៀង ។
លោកហែម សុីណា អភិបាលស្រុករំដួល បានប្រាប់ឲ្យដឹងថា បន្ទាប់ពីទទួលបានសេចក្តីរាយការណ៍មកថាមានបងប្អូនប្រជាពលរដ្ឋកំពុងសាងសង់លើដីចំណីផ្លូវ លោកក៍បានដឹកនាំមន្ដ្រីសាលាស្រុក កម្លាំងសមត្ថកិច្ចស្រុក អជ្ញាធរ ភូមិ ឃុំ ចុះសម្របសម្រួលប្រជាពលរដ្ឋកុំឲ្យសាងសង់សំណង់លើដីចំណីផ្លូវ និងត្រូវសុំច្បាប់សាងសង់ទៅអជ្ញាធរ ជាមុនសិន ដើម្បីបញ្ចាក់ពីទីតាំង និងប្លង់បញ្ជាក់ការសាងសង់។ ហើយ ករណីនេះត្រូវបានបញ្ឈប់ ឲ្យសាងសង់សំណង់លើដីចំណីផ្លូវ បន្ដទៀត។
លោកហែម សុីណា សូមអំពាវនាវដល់បងប្អូនប្រជាពលរដ្ឋរស់នៅក្នុងមូលដ្ឋានស្រុករំដួលទាំងអស់ កុំសាងសង់រំលោភលើចំណីផ្លូវ និងរាល់ការសាងសង់សំណង់ទាំងអស់ត្រូវសុំច្បាប់ពីអាជ្ញាធរដើម្បីបញ្ចាក់ពីទីតាំងនិងប្លង់បញ្ចាក់ការសាងសង់ ៕
