(ស្វាយរៀង) ៖ នៅល្ងាចថ្ងៃទី ០២ ខែមករា ឆ្នាំ ២០២៣ វេលាម៉ោង១៨ និង១០នាទីក្រោយពីទទួលព័ត៌មានពីប្រជាពលរដ្ឋល្អថាមានមុខសញ្ញាកំពុងជួញដូរគ្រឿងញៀនរួចមក លោកវរសេនីយ៍ទោ សោម សុភ័ណ្ឌ អធិការនគរបាលស្រុកបានដឹកនាំបញ្ជាកម្លាំងជំនាញប្រឆាំងបទល្មើសគ្រឿងញៀនស្រុកស្វាយជ្រំ សហការជាមួយកម្លាំងប៉ុស្តិ៍នគរបាលរដ្ឋបាលគ្រួសធ្វើការស្រាវជ្រាវឃាត់ខ្លួនជនសង្ស័យចំនួន០១នាក់នៅចំណុចខាងមុខក្លោងទ្វាវត្តគ្រួសស្ថិតនៅចំណុចភូមិគ្រួស ឃុំគ្រួស ស្រុកស្វាយជ្រំខេត្តស្វា យរៀង។
យោងតាមរបាយការណ៍របស់សមត្ថកិច្ចបានឲ្យដឹងថាបានឃាត់ខ្លួនជនសង្ស័យម្នាក់ ភេទប្រុស អាយុ៥៤ ឆ្នាំមុខរបរមិនពិតប្រាកដ មានទីលំនៅភូមិគ្រួសឃុំគ្រួស ស្រុកស្វាយជ្រំ ខេត្តស្វាយរៀង។
វត្ថុតាងដកហូតបានរួមមាន ៖ ម៉្សៅក្រាមពណ៍សថ្លាថ្នាំញៀន(មេតាំហ្វេតាមីន)ចំនួន ១៣ កញ្ចប់ធំ០១កញ្ចប់ ទូរស័ព្ទចំនួន០៣គ្រឿង ម៉ូតូ០១ គ្រឿង ឧបករណ៍សំរាប់ប្រើប្រាស់គ្រឿង ញៀនមួយចំនួន។
សមត្តកិច្ចបានបញ្ជាកបន្ថែមថាក្រោយធ្វើការពិនិត្យទឹកម៉ូតស្វែងរកសារធាតុញៀនជាលទ្ធផលវិជ្ជមាន (+)ហើយនៅចំពោះ មុខសមត្តកិច្ចជនសង្ស័យបានឆ្លើយសារភាពថា ចំពោះថ្នាំញៀនចំនួន១៤កញ្ចប់ខ្លួនបានទិញពីភ្នំពេញនិងបានវេចខ្ចប់តាមឡានតាក់សុីផ្ញើរមកអោយខ្លួន។
បច្ចុប្បន្នសមត្ថកិច្ចជំនាញកំពុងធ្វើការសាកសួរ និងកសាងសំណុំរឿងតាមនីតិវិធីច្បាប់៕
