ខេត្ដស្វាយរៀង ៖ នៅព្រឹកថ្ងៃទី១៨ខែមករាឆ្នាំ ២០២៣នេះ លោក ហែម ស៊ីណា អភិបាលនៃគណៈអភិបាលស្រុករំដួល លោកនៃ ស អភិបាលរងស្រុកនិងក្រុមការងារបានចុះដោះស្រាយបញ្ចប់វិវាទដីធ្លីរវាងម្ដាយនិងកូនទទួលបានជោគជ័យដោយភាគីទាំងសងខាងព្រមទទួលការសម្របសម្រួល ពីថ្នាក់ដឹកនាំស្រុករំដួលក៏ដូចជាក្រុមការងារដោះស្រាយវិវាទដីធ្លីក្រៅប្រព័ន្ធតុលាការ ដោយឈរលើអនុសាសន៍របស់សម្ដេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ។
ក្នុងការដោះស្រាយបញ្ចប់វិវាទដីធ្លីរវាងម្ដាយនិងកូនមានការអញ្ចើញចូលរួមពី៖
លោក មេឃុំពងទឹក,លោកក្រុមប្រឹក្សាឃុំលោកស្មៀនឃុំ, លោកមេភូមិសេកយំ,លោកនាយប៉ុស្ដិ៍ផងដែរ ។
លោកហែម សុីណាបានឲ្យដឹងថា ករណីទំនាស់ដីធ្លីរវាងម្ដាយនិងកូន ដោយម្ដាយមានឈ្មោះគង់ គាន ភេទស្រីអាយុ ៨៤ ឆ្នាំ និងកូនមាបឈ្មោះ មាស សាវឿន ភេទស្រីអាយុ ៥២ ឆ្នាំអ្នកទាំងពីរមានទីលំនៅភូមិសេកយំឃុំពងទឹក ស្រុករំដួល ខេត្ដស្វាយរៀង ។
លោកអភិបាលបានឲ្យដឹងបន្ដថា ការដោះស្រាយសម្របសម្រួលទទួលបានជោគជ័យ ដោយភាគីខាងម្ដាយព្រមធ្វើមរតកឱ្យកូនទាំងពីរចំនួនដីមានដូចខាងក្រោម៖
១. ប្រគល់ឱ្យកូនច្បងមាសសាវឿន ដីមួយហិចតាកូនឧបត្ថម្ភលុយជូនម្ដាយវិញចំនួន២ពាន់ដុល្លារសហរដ្ឋអាមេរិច។
២. ដីនៅសល់ ២០ អា ចែកឱ្យកូនពីរនាក់ក្នុងម្នាក់ទទួលបាន១០អា ក្នុងនោះកូនទាំងពីរបានព្រមព្រៀងគ្នាទទួលយកមរតកពីម្ដាយរៀងៗខ្លួន។
ដោយទឹកចិត្តប្រពៃរបស់លោកអភិបាលស្រុករំដួល បានឧបត្ថមអំណោយជូនលោកយាយភាគីម្តាយបន្ថែមទៀត រួមមាន៖ អង្ករ,ទឹកត្រី,ទឹស៊ីអុីវ,ចាន,ឆ្នាំង,កន្ទេល,ខ្នើយ,មុង,ភួយ,មីនិងសម្ភារៈមួយចំនួនទៀតព្រមទាំងថវិកា ៥ ម៉ឺនរៀលផងដែរ ៕
