(ស្វាយរៀង) ៖ នៅព្រឹកថ្ងៃសុក្រ ទី២០ ខែ២០២៣ វេលាម៉ោង០៩និង៣០នាទី លោកវរសេនីយ៍ទោ សោម សុភ័ណ្ឌ អធិការនគរបាលស្រុកស្វាយជ្រំ បានដឹកនាំកម្លាំងអធិការដ្ឋាននគរបាលស្រុកស្វាយជ្រំ ចុះពិនិត្យការសាងសងប៉ុស្តិ៍នគរបាលរដ្ឋបាលធ្លក ព្រមទាំងបាននាំយកថវិការបស់លោកជំទាវឧកញ៉ា កែវ ណារី ម្ចាស់សណ្ឋាគារណារីស្វីតក្រុងបាវិត ដែលបានឧបត្ថម្ភសាងសងផ្ទះថ្មីដល់ អ្នកមីង សុខ សោភ័ណ្ឌ ពិការភ្នែកទាំងពីរ នៅភូមិដូនស ឃុំដូនស ស្រុកស្វាយជ្រំ។
នៅក្នុងពិធីនោះក៏មានការចូលរួមពីលោកនាយនាយរងប៉ុស្តិ៍,មន្ត្រីប៉ុស្តិ៍លោកមេភូមិ និងបងប្អូនប្រជាពលរដ្ឋនៅក្នុងភូមិផងដែរ។
លោកអធិការវ័យក្មេងហើយមានចិត្តសប្បុរសធម៌ តែងតែអាណិតអាសូរមេត្តាដល់ដល់ចាស់ជរា អតីតគ្រួសារយុទ្ធជន ជនពិការ ចូលរួមសកម្មភាពល្អៗនៅក្នុងសង្គម អនុវត្តបទបញ្ជា ការពារសន្តិសុខសុវត្ថិភាពជូនពលរដ្ឋ នៅក្នុងមូលស្រុក ជាពិសេសថ្ងៃនេះលោកបាននាំយកថវិកាជាអំណោយរបស់សប្បុរសជនទៅចូលរួមកសាងលំនៅឋានជូនអ្នកមីងពិការភ្នែងទាំងពីរដែលកំពុងជួបទុក្ខលំបាកខ្លាំងនៅក្នុងមូលដ្ឋានស្រុកធ្វើឲ្យអ្នកមីងរំភើបចិត្តស្ទើស្រែកយំ អ្នកមីងពិការភ្នែងទាំងពីរបាននិយាយថា ៖ 《នេះជាភាពកក់ក្តៅបំផុតដែលលោកបានផ្តល់ឲ្យជនពិការដូចរូបគាត់ៗសប្បាយចិត្តខ្លាំងណាស់ ហើយលើកដៃសំពះអរគុណទាំងភ្នែកមើលមិនឃើញ》។
ឆ្លៀតនាឪកាសនោះដែរលោកអធិការសូមថ្លែងអអំណរគុណដល់លោកជំទាវឧកញ៉ា កែវ ណារី ម្ចាស់សណ្ឋាគារណារីស្វីតក្រុងបាវិតនិងសប្បុរសជនផ្សេងៗទៀតដែលតែងតែចូលរួមផ្តល់សម្ភារនិងថវិកាដើម្បីជួយដល់ចាស់ជរា ជនពិការ គ្រួសារអតីតយុទ្ធជន ដែលមានជីវភាពខ្វះខាតខ្លាំងនៅក្នុងមូលដ្ឋានស្រុកស្វាយជ្រំសូមទទួលបុណ្យកុសលរៀងៗខ្លួន៕
