ខេត្តព្រៃវែង៖កាលពីព្រឹកថ្ងៃទី២២ ខែមករា ឆ្នាំ២០២៣ ឯកឧត្តម ស្បោង សារ៉ាត់ ប្រធានក្រុមប្រឹក្សាខេត្តព្រៃវែង អញ្ជើញជាអធិបតីដ៏ខ្ពង់ខ្ពស់ក្នុងពិធីជួបសំណេះសំណាលជាមួយប្រជាពលរដ្ឋជាង ៣០០គ្រួសារស្ថិតក្នុងភូមិអន្លង់រាជ្យ ឃុំកំពង់ត្របែក ស្រុកកំពង់ត្របែក ខេត្តព្រៃវែង ។
ពិធីនេះបានប្រារព្ធធ្វើឡើងនៅគេហដ្ឋានរបស់លោកឧកញ្ញ៉ា អ៊ុក រដ្ឋា ផ្ទាល់ស្ថិតក្នុងភូមិអន្លង់រាជ្យ ឃុំកំពង់ត្របែក ស្រុកកំពង់ត្របែក ខេត្តព្រៃវែង។
ពិធីនេះមានការចូលរួមពី៖ឯកឧត្ដម ហ៊ី ធួក អភិបាលរងខេត្តព្រៃវែង និងក្រុមការងារ ,លោកអភិបាលស្រុក,លោកអភិបាលរងស្រុក,លោកអធិការរងស្រុក,លោកមេឃុំ,លោកនាយប៉ុស្ដិ៍និងបងប្អូនប្រជាពលរដ្ឋជាច្រើនផងដែរ។
ពិធីនេះផងដែរ មានការរៀបចំទទួលស្វាគមន៍យ៉ាងកក់ក្តៅពីលោក អ៊ុក រដ្ឋា អនុប្រធានក្រុមការងារចល័តប្រចាំខេត្តព្រៃវែង និងជាប្រធានក្រុមហ៊ុន មហារដ្ឋា ត្រេឌីង ជាមួយនឹងប្រជាពលរដ្ឋ និងភ្ញៀវកិត្តិយសទាំងអស់បានពិសារអាហារសាមគ្គីជួបជុំគ្នាយ៉ាងសប្បាយរីករាយ និងទទួលបាននូវអាំងប៉ាវសម្រាប់ពិធីបុណ្យចូលឆ្នាំប្រពៃណីជនជាតិចិននិងវៀតណាមពីលោក អ៊ុក រដ្ឋា និងក្រុមគ្រួសារផងដែរ៕
