ខេត្ដស្វាយរៀង ៖ ក្រោយពីទទួលបានព័ត៌មានថាមាន ជនជាតិវៀតណាមលក់ឆ្នោតវៀតណាមនៅក្រុងស្វាយរៀងក្រោមការចង្អុលបង្ហាញពីឧត្តមសេនីយ៍ត្រី ពេជ្រ វីរៈ ស្នងការនៃស្នងការដ្ឋាននគរបាលខេត្តស្វាយរៀង លោកកែន រិទ្ធី អធិការនគរបាលក្រុងស្វាយរៀងបានចាត់តាំងលោកវរសេនីយ៍ទោ ព្រំ សាមាន អធិការរងនៃអធិការដ្ឋាននគរបាលក្រុងស្វាយរៀង ដឹកនាំកម្លាំងចុះស្រាវជ្រាវនិងឃាត់ខ្លួនជនជាតិវៀតណាមដែលលក់ឆ្នោតវៀតណាមមកធ្វើកិច្ចសន្យាឱ្យបញ្ឈប់ការលក់ឆ្នោតខុសច្បាប់បន្តទៀតនៅក្រុងស្វាយរៀង ខេត្ដស្វាយរៀង ថ្ងៃទី៣១ ខែមករា ឆ្នាំ២០២៣នេះ ។
ជាលទ្ធផលនគរបាលក្រុងស្វាយរៀងបានធ្វើការឃាត់ខ្លួនជនជាតិវៀតណាមលក់ឆ្នោតវៀតណាមចំនួន ៥ នាក់ និងដកហូតវត្ថុតាងរួមមាន ៖សន្លឹកឆ្នោតវៀតណាមចំនួន៧៦៣សន្លឹក។
បច្ចុប្បន្នជនជាតិវៀតណាមទាំង ៥នាក់ត្រូវបានកម្លាំងជំនាញធ្វើកិច្ចសន្យាមិនអនុញ្ញាតឱ្យលក់បន្តទៀតនោះទេ ៕
