(ស្វាយរៀង) ៖ នៅព្រឹកថ្ងៃទី២២ ខែមេសា ឆ្នាំ២០២៣ វេលាម៉ោង១០និង០០នាទី ក្រោយពីចុះហត្ថលេខាលើសៀវភៅគ្រួសាររួច លោកវរសេនីយ៍ឯក សោម សុភ័ណ្ឌ អធិការនៃអធិការដ្ឋាននគរបាលស្រុកស្វាយជ្រំ បានដឹកនាំកងកម្លាំងក្រោមឱវាទដាក់អំពូលសូឡាបំភ្លឺផ្លូវចំនួន ០៥ ដើមស្ថិតក្នុងភូមិថ្ម ស ឃុំស្វាយជ្រំ ស្រុកស្វាយជ្រំ។
នៅក្នុងពិធីនោះក៏មានការចូលរួមពីសំណាក់ លោកអធិការរង លោកនាយរងផ្នែក លោកនាយប៉ុស្តិ៍នគរបាលរដ្ឋបាលពោធិរាជ,នាយរងប៉ុស្តិ៍នគរបាលរដ្ឋបាលស្វាយជ្រំ និងប្រជាការពារផងដែរ។
លោកអធិការនគរបាលស្រុកបានបញ្ជាក់ប្រាប់ថាសូឡាទាំងចំនួន ០៥ ដើមនេះជាអំណោយរបស់ លោក ជា ដារ៉ា ប្រធានធនាគារ សាយកន (ហាន់ណូយ)។ លោកបានបញ្ជាក់បន្ថែមថាអំពូលសូឡាទាំងនោះគឺដាក់នៅភូមិថ្មស ឃុំស្វាយជ្រំ ឆ្ពោះទៅភូមិប្រសាទ ឃុំពោធិរាជ ព្រោះតាមបណ្តោយផ្លូវនោះមានសភាពងងឹតហើយស្ងាតទើបលោកយកទៅដាក់ដើម្បីបងប្អូនប្រជាពលរដ្ឋក៏ដូចជាមហាជនទូទៅងាយស្រួសក្នុងការធ្វើដំណើរ ប្រកបដោយសុវត្តិភាព។
ឆ្លៀតនៅក្នុងឲ្យកាសនេះដែរលោកវរសេនីយ៍ឯក សោម សុភ័ណ្ឌ សូមថ្លែងអំណរគុណយ៉ាងជ្រាលជ្រៅដល់សប្បុរសជនដែលបានជួយឧត្ថម្ភអំពូលសូឡាជាបន្តបន្ទាប់តាមរយៈអធិការនគរបាលស្រុកស្វាយជ្រំកន្លងមកសូមអស់លោកលោកស្រីរកសុីទទួលទានមានបានគ្រប់ៗគ្នា៕
