(ស្វាយរៀង) ៖ នៅយប់ថ្ងៃទី០១ ខែឧសភា ឆ្នាំ២០២៣នេះ ដោយអនុវត្តតាមគោលនយោបាយភូមិ-ឃុំមានសុវត្ថិភាពលោកវរសេនីយ៍ឯក សោម សុភ័ណ្ឌ អធិការនគរបាលស្រុកស្វាយជ្រំបានចាត់កម្លាំងប៉ុស្តិ៍នគរបាលរដ្ឋបាលទាំង១៦ប៉ុស្តិ៍ព្រមទាំងប្រជាការពារ នៃអធិការនគរបាលស្រុក ចេញល្បាតចល័តការពារសន្តិសុខតាមគោលដៅប្រទាក់ក្រឡានៅក្នុងភូមិសាស្រ្តប៉ុស្តិ៍របស់ខ្លួន។
លោកអធិការស្រុកស្វាយជ្រំបានណែនាំដល់កម្លាំងនគរបាលក្រោមឪវ៉ាតចំណុះអធិការស្រុកស្វាយជ្រំទាំងអស់ត្រូវតែមុឺងម៉ាត់និងការងារធ្វើយ៉ាងណារក្សាឲ្យបាននូវសុខសន្តិភាព សុវត្ថិភាព របៀបរាបរយសាធារណៈ នៅកក្នុងមូលដ្ឋានឲ្យបានល្អប្រសើដើម្បីពលរដ្ឋរស់នៅដោយភាពស្ងប់សុខ ក្រោមម្លប់សន្តិភាព។
លោកបានបញ្ជាក់បន្ថែមថា ខាងក្រោមនេះជាលេខទូរស័ព្ទទាន់ហេតុការណ៍របស់អធិការដ្ឋាននគរបាលស្រុកស្វាយជ្រំ បើបងប្អូនមានបញ្ហាបន្ទាន់អាចទំនាក់ទំនងបានគ្រប់ពេលដើម្បីកម្លាំងអន្តរាគមន៍ចុះជួយបានទាន់ពេលវេលា📞097 778 0087។សូមអរគុណ!
