ខេត្ដបាត់ដំបង៖ ពលរដ្ឋ១១នាក់ ប្តឹងលោកស្រីឧត្តមសេីយ៍ត្រី ស៉ឹម សុខុន មន្ដ្រីពន្ធនាគារខេត្តបាត់ដំបង ទៅសម្តេចក្រឡាហោម ស ខេង រឿងបោកលុយជាង៩ម៉ឺនដុល្លារ រត់ការចូលក្របខ័ណ្ឌមន្ដ្រីនគរបាល ក្នុងនោះ ឈ្មោះ អ៊ុន កុសល ភេទ ប្រុស អាយុ ៤០ឆ្នាំ ជនជាតិ ខ្មែរ សញ្ជាតិ ខ្មែរ មានទីលំនៅ ភូមិ ឆករកា ឃុំ សំឡូត ស្រុក សំឡូត ខេត្តបាត់ដំបង ជាតំណាងនៃគ្រួសាររងគ្រោះចំនួន១១នាក់ សុំប្តឹងពីឈ្មោះលោកស្រី ស៊ឹម សុខុន ភេទស្រី អាយុ៥៥ឆ្នាំ មានទីលំនៅ ភូមិ វត្តលៀប សង្កាត់ ចំការសំរោង ក្រុងបាត់ដំបង ខេត្តបាត់ដំបង បច្ចុប្បន្នបម្រើការងារនៅពន្ធធនាគាខេត្តបាត់ដំបង ទៅសម្តេចក្រឡាហោម ស ខេង ។
យោងតាមពាក្យបណ្ដឹងបានរៀបរាប់ថា កាលពីថ្ងៃទី២៨ ខែមីនា ឆ្នាំ២០២១ យើងខ្ញុំទាំង១១នាក់ បានយកថវិកាទៅប្រគល់ជូនលោកស្រីស៊ឹម សុខុន នៅគេហដ្ឋានរបស់លោកស្រីផ្ទាល់ ដោយមាន លោក ម៉ៅ ណាត លោកប្រាជ្ញ សុវណ្ណមន្នី និងលោក ម៉ៅ សំរេច ជា អ្នកបានឃើញ យើងខ្ញុំទាំង១១នាក់ ជួបប្រគល់ថវិកាទៅលោកស្រីពិតប្រាកដមែន ដោយគាត់សន្យាថា និងជួយ រត់ការប្រឡងចូលក្របខណ្ឌមន្ត្រីនគរបាលជាតិ ប្រសិនបើមិនបាន គាត់និងប្រគល់ថវិកាជូនវិញគ្រប់ចំនួន ដោយគាត់ អះអាងថាគេនិងរើសចេញពីជួរយុវជន គណបក្សប្រជាជនកម្ពុជា ។
ក្រោយពេល ដល់ថ្ងៃកំណត់ប្រឡងរួចតែលទ្ធផល មិនបានជាប់ដូចការសន្យា ទើបយើងខ្ញុំទាំងអស់គ្នាសម្រេចចិត្ត សុំដកយកថវិកាមកវិញ តែរយ:ពេលមួយឆ្នាំហើយមិន ព្រមអោយ យើងខ្ញុំសម្រេចចិត្តដាក់ពាក្យបណ្តឹងទៅ សាលាខេត្តបាត់ដំបង ហើយអភិបាលរងនៃគណៈអភិបាល ខេត្ត បានព្យាយាមដោះស្រាយចំនួន ៣លើក តែមិនបានថវិកាមកវិញទើប យើងខ្ញុំសម្រេចចិត្តដាក់ពាក្យបណ្តឹងជូន សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ជួយដោះស្រាយ និងរកយុត្តិធម៌ ជូនយើងខ្ញុំឱ្យបានថវិកាគ្រប់ចំនួន៩៤៧០០ដុល្លាអាមេរិក មកវិញផងតាមឈ្មោះ និងចំនួនថវិកាដូចតារាងជូនភ្ជាប់។
សេចក្ដីដូចបានគោរពជម្រាបជូនខាងលើសូម សម្ដេចក្រឡាហោម ស ខេង ឧបនាយករដ្ឋមន្តី រដ្ឋមន្តីក្រសួងមហាផ្ទៃ មេត្តាពិនិត្យ និងសម្រេចដោយសេចក្ដីអនុគ្រោះ ។
សូម សម្ដេចក្រឡាហោម មេត្តាទទួលនូវសេចក្ដីគោរពដ៏ខ្ពង់ខ្ពស់បំផុតអំពីយើងខ្ញុំ ។
ជុំវិញករណីនេះដែរអង្គភាពសារព័ត៌មានយើងមិនអាចសុំការបំភ្លឺពីលោកស្រីឧត្តមសេីយ៍ត្រី ស៉ឹម សុខុន មន្ដ្រីពន្ធនាគារខេត្តបាត់ដំបងបាននៅឡើយទេ។ អង្គភាពសារព័ត៌មានយើងនិងរង់ចាំផ្សាយជាបន្ដបន្ទាប់ប្រសិនមានការពន្យល់បកស្រាយពីសាមុីភាគីឬអាជ្ញាធរមិនសម្តេចពាក់ព័ន្ធ័រៀងរាល់ម៉ោងធ្វើការ៕
