ខេត្ដបន្ទាយមានជ័យ៖ ក្រោយពីអង្គភាពសារព័ត៌មានយើងធ្វើការចុះផ្សាយពាក់ព័ន្ធករណីល្បែងស៊ីសងអាប៉ោងនៅស្រុកអូរជ្រៅ កាលពីថ្ងៃទី១៣ខែមិថុនាឆ្នាំ២០២៣ កន្លងទៅនេះ មានចំណង ជើងថា(ល្បែងសុីសងអាប៉ោងកំពុងបើកដំណើរការលេង ផ្គើនទៅនិងប្រសាសន៍សម្ដេចតេជោ អជ្ញាធរ និង សមត្ថកិច្ចពាក់ព័ន្ធមិនបង្ក្រាប នៅស្រុកអូរជ្រៅ)ឥឡូវនេះអធិការស្ថាននគរបាលស្រុកអូរជ្រៅចេញលិខិតបដិសេធថា៖ ដោយមានការ ចុះផ្សាយរបស់ សារព័ត៌មាន តាមបណ្តាញអ្នកសាព័ត៌មានក្នុង ប្រព័ន្ធទំនាក់ទំនងសង្គម ក្រោម ចំណងជើងថា« ល្បែងស៊ីសង បាញ់អាប៉ោងភ្នាល់ដាក់លុយ ខុសច្បាប់ មួយកន្លែងក្នុងឃុំអូរបីជាន់ ស្រុកអូរជ្រៅបើកលេងយ៉ាងសុខស្រួល មិនរំខានអាជ្ញាធរនិងសមត្ថកិច្ចក្នុងមូលដ្ឋានឡើយ) ។
រយះកាលកន្លងមក មានអ្នកញៀនលេង ល្បែងស៊ីសង តែងតែលួចធ្វើសកម្មភាព លេងល្បែងស៊ីសងខុសច្បាប់នៅតាមព្រៃ រោងឬខ្ទមចាំដី និង ចល័តផ្លាស់ប្តូរទីតាំង ពេលសមត្ថកិច្ចដឹងចុះទៅបង្ក្រាប ពួកគេបានបែក គ្នាអស់ពុំបានជួបប្រទះឡើយ ។
អធិការដ្ឋាននតរបាលស្រុកអូរជ្រៅ សូមជំរាបជូនសាធារណះជនជ្រាបថា កំលាំងនគរបាលស្រុកអូរជ្រៅ បានយកចិត្ត ទុកដាក់ ចុះប្រតិបត្តិការ ផ្សព្វផ្សាយអប់រំ បង្កាទប់ស្កាត់ បង្ក្រាបរាល់ការលេងល្បែងស៊ីសង ខុសច្បាប់គ្រប់ប្រភេទនៅក្នុងមូលដ្ឋាន មិនអោយកើតមាន ក៏ដូចជាការអនុវត្តគោលនយោបាយភូមិឃុំសង្កាត់មានសុវត្ថិភាព ។ ដូច្នេះសូមសាធារណះជនមេត្តាជូនជ្រាប ៕
