ខេត្តបន្ទាយមានជ័យ៖ សង់សំណង់រំលោភលើចំណីផ្លូវអាជ្ញាធរចុះណែនាំធ្វើកិច្ចសន្យាឲ្យរុះរើជច្រើនលើកហើយ នៅឡើយម្ចាស់ធ្វើមិនដឹងមិនលឺទុកនៅដដែលមិនឈឺក្បាលនិយាយអត់ខ្វល់ ដែលមានទីតាំងស្ថិតភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ។
ប្រជាពលរដ្ឋបានលើកឡើងថា៖ ពួកគាត់ឃើញអជ្ញាធរនិងមន្ត្រីសមត្តកិច្ចពាក់ព័ន្ធ បានចុះទៅធ្វើការណែនាំនិងធ្វើកិច្ចសន្យាដល់ម្ចាស់ដែលធ្វើសំណង់រំលោភចំណីផ្លូវ តែហាក់បីដូចគ្មានប្រសិទ្ធភាព ឃើញតែចុះមកធ្វើកិច្ចសន្យា៣ទៅ៤លើកហើយតែម្ចាស់សង់សំណង់នៅដដែលមិនបានរុះរើនោះឡើយ។
ប្រជាពលរដ្ឋរស់នៅក្បែរទីតាំងបានលួចខ្សឹបប្រាប់អ្នកសារព័ត៌មានយើងថា ៖បើសិនជាអ្នកមានជីវិភាពទន់ខ្សោយវិញបើហ៊ានធ្វើអ្វីរំលោភច្បាប់វិញអជ្ញាធរឬសមត្តកិច្ចពាក់ព័ន្ធច្បាស់ចុះណែនាំនិងកិច្ចសន្យាតែម្តងទៅ២ដងបើមិនរុះរើចេញទេដឹងតែខ្ទិចហើយមានទោសទៀត តែអ្នកមានលុយ ទ្រព្យធនបុណ្យស័ក្តិខ្សែពួរធំវិញអជ្ញាធរនិងសមត្តកិច្ចពាក់ព័ន្ធធ្វើការណែនាំអប់រំទោះជាប៉ុន្មានលើកក៍ដោយមិននឿយហត់ដែរបានត្រឹមតែធ្វើកិច្ចសន្យាខ្យល់តែប៉ុណ្ណោះ ។
ប្រភពបានឱ្យដឹងថាម្ចាស់ដែលសាងសង់សំណង់រំលោភដីចំណីផ្លូវមានឈ្មោះ តាំង ហ័រឃីម បានសាងសង់សំណង់រំលោភដីចំណីផ្លូវប្រវែងជាង៤ម៉ែត្រដែលធ្វើឲ្យប៉ះពាល់ផ្លូវសាធារណៈអជ្ញាធរបានចុះទៅពិនិត្យនិងណែនាំហើយធ្វើកិច្ចសន្យាអោយម្ចាស់សំណង់ត្រូវរុះរើចេញជាបន្ទាន់ ។ តែផ្ទុយទៅវិញម្ចាស់មិនព្រមរុះរើនោះឡើយទោះបីជាមានកិច្ចសន្យាពីអជ្ញាធរនិងសមត្ថកិច្ចពាក់ព័ន្ធយ៉ាងណាក៏ដោយ ។
ពលរដ្ឋឆ្ងល់ថា តើអាជ្ញាធរខ្លាំងឬម្ចាស់សង់សំណង់រំលោភដីចំណីផ្លូវខ្លាំង? អជ្ញាធរបានចុះធ្វើកិច្ចសន្យាជាច្រើនដងមកហើយមិនព្រមរុះរើ។
ជុំវិញករណីនេះដែរអង្គភាពសារព័ត៌មានយើង។បានទំនាក់ទំនងទៅលោក វ៉ា ជឹមណារ៉េត ចៅសង្កាត់អូរជ្រៅ តាមប្រព័ន្ធអេឡិចត្រូនិច (តេឡេក្រាម)ថ្ងៃទី២១ខែមិថុនាឆ្នាំ២០២៣នេះ លោកអញ្ជើញចូលមើលហើយតែមិនឆ្លើយតប ។
ជុំវិញករណីនេះដែរអង្គភាពសារព័ត៌មានយើងនឹងរង់ចាំធ្វើការផ្សាយជាបន្តបន្ទាប់ប្រសិនបើមានការពន្យល់បកស្រាយពីអជ្ញាធរនិងសមត្ថកិច្ចពាក់ព័ន្ធឬសមុីភាគីពាក់ព័ន្ធទាំងអស់រៀងរាល់ម៉ោងធ្វើការ ៕
