ខេត្ដស្វាយរៀង៖ ដោយមើលឃើញការទុក្ខលំបាកនិងមានជីវភាពក្រីក្រខ្វះខាតរបស់បងប្អូនប្រជាពលរដ្ឋមួយគ្រួសារ លោកឧត្តមសេនីយ៍ទោ ពេជ្រ វីរៈ ស្នងការនគរបាលខេត្តស្វាយរៀង និងលោកស្រី អុិច ស្រីស្រស់ កាលពីថ្ងៃទី៣០ ខែកក្កដា ឆ្នាំ២០២៣
បានជួយឧបត្ថម្ភថវិកា ទិញសម្ភារសាងសង់ផ្ទះលោកយាយ ប៉ែន ញុឹប នៅភូមិអង្គាដី ឃុំតាសួស ស្រុកស្វាយជ្រំ ចំនួន២៥០ដុល្លា ។
ក្នុងនោះក៏មានសប្បុរសជនចូលរួមជួយឧបត្ថម្ភមាន៖លោក វរសេនីយ៍ឯក សោម សុភ័ណ្ឌ អធិការនគរបាលស្រុកស្វាយជ្រំ និងភរិយា ឥដ្ឋប្រហោង១០០០ដុំ អង្ករ២៥គ.ក, លោក ប៉ុក វណ្ណៈរឿត មេបញ្ជាការរងកងរាជអាវុធហត្ថស្រុកស្វាយជ្រំ និងភរិយា ឧបត្ថម្ភ ថវិកា ៥០ដុល្លា , ជាង ជ័យ លក់ដូរផ្សារថ្នល់កែងឈើទាល និងភរិយា ឧបត្ថម្ភ ១០មុឺនរៀល,ជាង ទ្រី ឃុំឈើទាល ឧបត្ថម្ភថវិកា ១០ម៉ឺនរៀលផងដែរ ។
អំណោយសប្បុរសជនទាំងអស់ដែលបានឧបត្ថម្ភនេះគឺជូនលោកយាយសម្រាប់សាងសង់ផ្ទះថ្មី តាមរយៈលោកវរសេនីយ៍ឯក សោម សុភ័ណ្ឌ អធិការនគរបាលស្រុកស្វាយជ្រំ ។
ឆ្លៀតនៅក្នុងឪកាសនោះលោកយាយ ប៉ែន ញុឹប សូមថ្លៃងអំណរគុណយ៉ាងជ្រាលជ្រៅដល់អស់លោក លោកស្រីដែលបានជួយឧបត្ថម្ភដល់ថវិការទិញសម្ភារធ្វើផ្ទះជួនលោកយាយ សូមជូនពរដល់សប្បុរស់ជនទាំងអស់មានសុខភាពល្អបរិបូរណ៍ សំណាងល្អ ជោគជ័យគ្រប់ភារកិច្ចការងារ និងសមប្រកបនូវពុទ្ធពរទាំងបួនប្រការគឺ អាយុវណ្ណៈសុខៈពលៈ កុំបីឃ្លៀងឃ្លាតឡើយ៕
