ស្វាយរៀង ៖ នៅព្រឹកថ្ងៃសុក្រទី១៤.០៧.២០២៣ វេលាម៉ោង ០៨ និង០០នាទី លោកវរសេនីយ៍ឯក សោម សុភ័ណ្ឌ អធិការនគរបាលស្រុកស្វាយជ្រំ បានដឹកនាំកម្លាំងនៃអធិការដ្ឋាននគរបាលស្រុក ដាក់ភ្លើងសូឡាភ្លឺផ្លូវក្នុងឃុំឈើទាលចំនួន ០៧ដើម នៅចំណុចភូមិឈូកស ដែលមានចំនួន ០៥ដើម និងចំនួន០២ដើម ទៀតដាក់នៅខាងមុខរោងយាមប្រជាការពារស្ថិតនៅភូមិឈើទាល ឃុំឈើទាលស្រុកស្វាយជ្រំ ខេត្តស្វាយរៀង ។
លោកវរសេនីយ៍ឯក សោម សុភ័ណ្ឌ បានបញ្ជាក់ប្រាន់ថា អំពូលសូឡាទាំងនេះជាការឧបត្ថមរបស់ឯកឧត្តម ចៅ ភារិទ្ធ ប្រធានក្រុមការងារចុះជួយឃុំឈើទាល តាមរយៈលោកមេឃុំឈើទាល។ នៅក្នុងពិធីនោះក៏មានការចូលរួមពីសំណាក់លោកមេឃុំឈើទាល, លោកនាយ.នាយរងប៉ុស្តិ៍និងមន្ត្រីប៉ុស្តិ៍នគរបាលរដ្ឋបាលឈើទាល,មេភូមិទាំង០២ភូមិ ព្រមទាំងប្រជាការពារទាំង០២ភូមិផងដែរ។
លោកអធិការនគរបាលស្រុកស្វាយជ្រំសូមថ្លែងអំណរគុណយ៉ាជ្រាលជ្រៅដល់ឯកឧត្តម ចៅ ភារិទ្ធ ប្រធានក្រុមការងារចុះជួយឃុំឈើទាល និងសប្បុរសជនទាំងអស់ដែលតែងតែជួយឧបត្ថម្ភអំពូលសូឡាដាក់បំភ្លឺផ្លូវនៅក្នុងមូលដ្ឋានស្រុកស្វាយជ្រំ សូមអស់លោកលោកស្រីមានសុខភាពល្អ សំណាងល្អជោគជ័យគ្រប់ភារកិច្ចការងារ និងសូមសមប្រកបនូវពុទ្ធពរទាំងបួនប្រការគឺអាយុវណ្ណៈ សុខៈពលៈ កុំបីឃ្លៀងឃ្លាតឡើយ៕
