(ឧត្តរមានជ័យ)មានហេតុការណ៏គ្រោះថ្នាក់ចរាចរណ៏ដ៏រន្ធត់មួយបង្កឡើងដោយឡានថៃសណ្តោងរុឺម៉កបើកលឿនដូចហោះទិសដៅពីកើតទៅលិចបានរ៉េចង្កូតបុកចូលតូបផ្ទះអ្នកលក់ចាប់ហួយបណ្តាលឲ្យស្លាប់មនុស្សម្នាក់ក្រោយបញ្ជូនដល់មន្ទីរពេទ្យហើយនឹងងាប់គោ១ក្បាលរួមទាំងខូតខាតនូវសម្ភារអស់មួយចំនួនទៀត។
ករណីនេះបានកើតឡើងកាលពីថ្ងៃទី២០ ខែសីហា ឆ្នាំ២០២៣ នៅលើផ្លូវយុទ្ធសាស្ត្រលេខ៥៦ស្ថិតនៅត្រង់ចុះណុចភូមិគោកចាន់រី សង្កាត់កូនក្រៀល ក្រុងសំរោង ខេត្តឧត្តរមានជ័យ។
បើយោងតាមសាក្សីនៅកន្លែងកើតហេតុឈ្មោះប៉ូតឿនភេទប្រុសអាយុ៦១ឆ្នាំរស់នៅភូមិឃុំខាងលើបានរៀបរាប់ប្រាប់ឲ្យដឹងនៅថ្ងៃទី២១ខែសីហាឆ្នាំ២០២៣ថា មុនដំបូងឡើយគាត់បានឃើញឡានថៃនោះបើកបរពីកើតទៅលិចយ៉ាងលឿនស្លេវខណ:នោះក៏បានបុកគោងាប់១ក្បាលហើយរ៉េចង្កូតបុករះចូលទៅផ្ទះអ្នកលក់ចាប់ហួយធ្វើឲ្យស្ត្រីម្នាក់កំពុងដេកនៅលើអង្រឹងរបួសធ្ងន់ហើយក៏បានស្លាប់ក្រោយពេលបញ្ជូនដល់មន្ទីរពេទ្យ។
១/អ្នកបើកបររថយន្តរត់គេចខ្លួនបាត់ ពុំស្គាល់អត្តសញ្ញាណ បេីកបររថយន្តម៉ាក ISUZU ពណ៍សរ ពាក់ស្លាកលេខ Thailand 83-3366 បេីកបរពីកេីតទៅលិច ។
២/អ្នកស្លាប់ឈ្មោះ ហយ ចន្ធូ ភេទស្រី អាយុ ៥១ ឆ្នាំ មុខរបរ កសិករ (ស្លាប់ពេលបញ្ជូនទៅមន្ទីរពេទ្យ) រស់នៅភូមិគោកចាន់រី សង្កាត់កូនគ្រៀល ក្រុងសំរោង ខេត្តឧត្តរមានជ័យ។
បើយោងតាមរបាយការណ៏ពីសមត្ថកិច្ចចរាចរណ៏បានបញ្ជាក់ថា សម្ភារដែលរងការខូតខាតជាបឋមដែលពុំទាន់រុះរើចេញនៅចំពោះមុខរួមមាន គ្រឿងចាប់ហួយគ្រប់មុខអស់ស្ទើរទាំងស្រុង ម៉ូតូ១គ្រឿង ផ្ទះអស់ចំនួន៣ខ្នង។
ក្រោយកើតហេតុសមត្ថកិច្ចជំនាញចរាចរណ៏ក្រុងសំរោងបានទៅដល់ពិនិត្យនឹងដាក់ស្លាកបញ្ជាៀសធ្វើចរាចរណ៏ដើម្បីកុំឲ្យកកស្ទះផ្លូវហើយនឹងបានធ្វើកំណត់ហេតុដើម្បីតាមរកតាកុងឡានដែលរត់គេចខ្លួនយកមកដោះស្រាយតាមនីតិវិធីច្បាប់។ដោយប៊ុនថេត.ឧត្តរមានជ័យ.២១.០៨.២០២៣
