(ស្វាយរៀង) ដោយអនុវត្តបទបញ្ជាក់យ៉ាងមុឺងម៉ាត់របស់លោកឧត្តមសេនីយ៍ទោ ពេជ្រ វិរ: ស្នងការនគរបាលខេត្តស្វាយរៀង លោកវរសេនីយ៍ឯក សោម សុភ័ណ្ឌ អធិការនគរបាលស្រុកស្វាយជ្រំ បានដឹកនាំកម្លាំងជំនាញស្រុកចូលរួមសហការបង្ក្រាបឃាត់ខ្លួនជនសង្ស័យ០២នាក់ពាក់ព័ន្ធករណីគ្រឿងញៀនកាលពីថ្ងៃទី ៣០ ខែសីហាឆ្នាំ ២០២៣នេះ វេលាម៉ោង ១២ និង៣០ នាទីនៅត្រង់ចំណុចភូមិសាលារៀន ឃុំបាសាក់ ស្រុកស្វាយជ្រំ ខេត្តស្វាយរៀង។
លោកវរសេនីយ៍ឯក សោម សុភ័ណ្ឌ អធិការនគរបាលស្រុកស្វាយជ្រំបានឲ្យដឹងថា ក្រោយពីទទួលព័ត៌មានរួច លោកបានដឹកនាំកម្លាំងជំនាញអធិការដ្ឋានស្រុក សហការជាមួយកំលាំងជំនាញអធិការដ្ឋាននគរបាលក្រុងស្វាយរៀង កំលាំងប៉ុស្តិ៍នគរបាលរដ្ឋបាលគយត្របែកនិងប៉ុស្តិ៍នគរបាលរដ្ឋបាលបាសាក់ បានធ្វើការស្រាវជ្រាវចុះទៅដល់កន្លែងកើតហេតុ ជនសង្ស័យឃើញសមត្តកិច្ចក៏ជិះម៉ូតូគេចខ្លួនសមត្តកិច្ចក៏ជិះម៉ូតូដេញតាមពីក្រោយរហូតដល់ចំណុចលើផ្លូវមុខ វត្តកោះជនសង្ស័យបានបោះចោលថ្នាំញៀនចំនួន ០៣កញ្ចប់ នៅជាយថ្នល់សមត្តកិច្ចឆែកលើដងខ្លួនរកឃើញថ្នាំញៀនចំនួន០២កញ្ចប់ និងទូរស័ព្ឌ០១គ្រឿង។
លោកអធិការបានបញ្ជាក់បន្ថែមថាដំណើររឿងដំបូងបានឃាត់់ខ្លួនជនសង្ស័យ ម្នាក់ ភេទប្រុស អាយុ៤១ឆ្នាំជនជាតិខ្មែរ មុខរបរកសិករមានទីលំនៅភូមិតារាងបាល់ សង្កាត់គយត្របែក ក្រុងស្វាយរៀង ខេត្តស្វាយរៀង។
កម្លាំងជំនាញបាននាំខ្លួនជនសង្ស័យមកប៉ុស្តិ៍នគរបាលរដ្ឋបាលបាសាក់ ដើម្បីធ្វើតេស្តស្វែងរកសាធាតុញៀនជាលទ្ធផអវិជ្ជមាន(+) នៅចំពោះមុខសមត្ថកិច្ចជនសង្ស័យបានឆ្លើយសារភាពថា ថ្នាំញៀនដែលខ្លួនបោះចោល០៣ កញ្ចប់នោះ គឺទិញពីជនសង្ស័យម្នាក់ទៀត ភេទប្រុសអាយុ២៩ឆ្នាំ ជនជាតិខ្មែរ មុខរបរកសិករ មានទីលំនៅភូមិសាលារៀន ឃុំបាសាក់ ស្រុកស្វាយជ្រំ ខេត្តស្វាយរៀង។
ក្រោយមកសមត្តកិច្ចបន្តចុះស្រាវជ្រាវឈានដល់ការឃាត់ខ្លួននាំមកប៉ុស្តិ៍នគរបាលរដ្ឋបាលបាសាក់ដើម្បីធ្វើតេស្តទឹកម៉ូតស្វែងរកសារធាតុញៀនជាលទ្ធផលវិជ្ជមាន(+)ហើយសមត្ថកិច្ចហើយ ឃាត់ខ្លួនជនសង្ស័យសរុប ចំនួន០២នាក់ពាក់ព័ន្ធករណីចែកចាយនូវសារធាតុញៀញ។
សម្ភារៈវត្ថុតាងដកហូតរួមមាន ម្សៅក្រាមពណ៌សថ្លា០៥កញ្ចប់តូច
និងទូរស័ព្ឌ ០២គ្រឿង។
បច្ចុប្បន្នជនសង្ស័យទាំងពីរនាក់ត្រូវបាន សាលាដំបូងខេត្តស្វាយរៀងសម្រេចឃុំខ្លួនបណ្ដោះអាសន្ន នៅពន្ធនាគារខេត្តស្វាយរៀងរួចហើយ៕
