ខេត្ដស្វាយរៀង៖ មន្ដ្រីនគរបាលក្រុងបាវិតបានឲ្យដឹងថា កាលពីថ្ងៃទី៣១ ខែសីហា ឆ្នាំ២០២៣ វេលាម៉ោង ១៩និង១៥នាទី កម្លាំងប៉ុស្ដិ៍នគរបាលរដ្ឋបាលបាវិត បានធ្វើការល្បាតការពារសន្តិសុខក្នុងមូលដ្ឋានលុះដល់ម៉ោង០២និង១០នាទីរំលងអាធ្រាត្រឈានចូលថ្ងៃទី០១ ខែកញ្ញា ឆ្នាំ២០២៣ កម្លាំងប៉ុស្តិ៍បានល្បាតមកដល់ចំនុចផ្លូវព្រៃយាយ កម្លាំងប៉ុស្តិ៍បានល្បាតមកដល់ចំនុចផ្លូវព្រៃយាយ ស្ថិតក្នុងភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង ក៍បានប្រទះឃើញជនជាតិវៀតណាមចំនួន០២នាក់ ជិះម៉ូតូ០១គ្រឿង ហើយមានការសង្ស័យ ក៍បានឃាត់សាកសួរ និងពិនិត្យឆែកក្នុងទូរសព្ទ ក៍ឃើញមានរូបភាព ឃុំឃាំង ធ្វើទារុណកម្ម ទៅលើជនរងគ្រោះ នៅទីតាំងផ្ទះមួយកន្លែង ។
សមត្ថកិច្ចបានបន្ដថា នៅពេលសមត្ថកិច្ចសួរនាំ ជនសង្ស័យទាំង០២នាក់ បានបង្ហាញពីទីតាំងផ្ទះជួល ភ្លាមនោះសមត្ថកិច្ច បានសហការជាមួយជំនាញក្រុងទៅដល់ធ្វើការត្រួតពិនិត្យឃើញមានជនជាតិវៀតណាម ចំនួន១០នាក់ ស្រី០៣នាក់ កំពុងត្រូវចាប់ឃុំឃាំងនៅក្នុងបន្ទប់ផ្ទះជួល ។
ក្រោយពីពិនិត្យរួច សម្ថកិច្ចក៍បាននាំជនជាតិវៀតណាម ទាំង១២នាក់ មកកាន់ប៉ុស្តិ៍នគរបាលរដ្ឋបាលបាវិត ដើម្បីធ្វើការសាកសួរ ក្នុងចំនោមជនជាតិវៀតណាមទាំង១២នាក់ មានជនរងគ្រោះចំនួន០៧នាក់ ស្រី០៣នាក់ ដែលត្រូវក្រុមជនសង្ស័យចំនួន០៥នាក់ ចាប់ឃុំឃាំង ធ្វើទារុណកម្ម និងជំរិតទារប្រាក់ ។
សមត្ថកិច្ចបានបន្ដទៀតថាជនសង្ស័យមានឈ្មោះ៖
១.ឈ្មោះ ង្វៀង ជុងទៀន ភេទប្រុស អាយុ៣២ឆ្នាំមុខរបរមិនពិតប្រាកដ មានទីលំនៅឃុំហបថាញ់ ស្រុកមីឌឹក ទីក្រុងហាណូយ
២.ឈ្មោះ ឡេ ដ៉ាំងហ្វុក ភេទប្រុស អាយុ២៩ឆ្នាំ មុខរបរមិនពិតប្រាកដ មានទីលំនៅឃុំថាច់ថាន់ ស្រុកថាន់ដុង ខេត្តថាន់ហ្វារ
៣.ឈ្មោះ ឡេ ដ៉ាំងយាប ភេទប្រុស អាយុ៣០ឆ្នាំមុខរបរមិនពិតប្រាកដ មានទីលំនៅឃុំអ៊ែរសា ស្រុកអ៊ែរកា ខេត្តដាក់ឡាក់ ៤.ឈ្មោះ ង្វៀង កាវគី ភេទប្រុស អាយុ៣៧ឆ្នាំមុខរបរមិនពិតប្រាកដ មានទីលំនៅទីក្រុងធូយូ១ ខេត្តបិនយឿង
៥.ឈ្មោះ ផាន យ៉ីឡុក អាយុ៣២ឆ្នាំមុខរបរមិនពិតប្រាកដ មានទីលំនៅឃុំលេខ៥ ស្រុកអ៊ែរកា ខេត្តដាក់ឡាក់ ។
ជនសង្ស័យទាំង៥នាក់នេះបាននាំគ្នាធ្វើសកម្មភាពចាប់ឃុំឃាំង ធ្វើទារុណកម្ម និងជំរិតទារប្រាក់ ទៅលើជនរងគ្រោះចំនួន០៧នាក់ មានឈ្មោះ៖
១.ឈ្មោះ លឿង វ៉ឹកដាវ ភេទប្រុស អាយុ៣៧ឆ្នាំមុខរបរមិនពតប្រាកដ មានទីលំនៅភូមិសូនហាយ ឃុំភឿកយិន ស្រុកធុងណាម ខេត្តនិនធឹង
២.ឈ្មោះ ង្វៀង វ៉ឹងហ្វូ ភេទប្រុស អាយុ៣៤ឆ្នាំមុខរបរមិនពិតប្រាកដ មានទីលំនៅភូមិតូយ៉ឹងភូ ឃុំហឹងជី ស្រុតេអាន ខេត្តហាទិន
៣.ឈ្មោះ ង្វៀង ជីកុង ភេទប្រុស អាយុ៣៦ឆ្នាំមុខរបរមិនពិតប្រាកដ មានទីលំនៅភូមិលេខ៩ ឃុំដាកខ ស្រុកដាកទៀក ខេត្តណាំដុង
៤.ឈ្មោះ ង្វៀង ហាយណាម ភេទប្រុស អាយុ២១ឆ្នាំមុខរបរមិនពិតប្រាកដ មានទីលំនៅភូមិ១៤ ទីក្រុងតាមឌៀប ខេត្តនីនបិន ៥.ឈ្មោះ វ៉ិន ធីជួក ភេទស្រី អាយុ៤៩ឆ្នាំ មុខរបរមិនពិតប្រាកដ មានទីលំនៅស្រុកតាំងឌិន ខេត្តបិនយឿង
៦.ឈ្មោះ វ៉ ធីហាន់ ភេទស្រី អាយុ៤៥ឆ្នាំមុខរបរមិនពិតប្រាកដ មានទីលំនៅឃុំបិនវ៉ា ស្រុកចូវឌឹក ខេត្តបារៀយ៉ុងតាវ
៧.ឈ្មោះ វ៉ ធីញឺ ភេទស្រី អាយុ៣៧ឆ្នាំមុខរបរមិនពិតប្រាកដ មានទីលំនៅឃើញុំហាយសឺង ស្រុកហាយឡាង ខេត្តហ្វាំងជី ។
នៅចំពោះមុខសមត្ថកិច្ចយើង ជនសង្ស័យទាំង០៥នាក់បានឆ្លើយសារថា ពួកខ្លួន ពិតជាបានធ្វើសកម្មភាពឃុំឃាំង ធ្វើទារុណកម្ម និងជំរិតទារប្រាក់ ទៅលើក្រុមជនរងគ្រោះប្រាកដមែន ។
សមត្ថកិច្ចបានបញ្ជាក់ថាមូលហេតុ ក្រុមជនរងគ្រោះ បានខ្ចីប្រាក់ពីក្រុមជនសង្ស័យ យកទៅលេងល្បែងចាញ់អស់ ហើយគ្មានប្រាក់សងទៅក្រុមជនសង្ស័យវិញ ។
បច្ចុប្បន្នជនសង្ស័យទាំង០៥នាក់ សមត្ថកិច្ចយើងធ្វើការឃាត់ខ្លួន ជាបណ្តោះអាសន្ន នៅប៉ុស្តិ៍នគរបាលរដ្ឋបាលបាវិត ដើម្បីកសាងសំណុំរឿង ចាត់ការតាមនីតិវិធីច្បាប់ ៕
