(ឧត្តរមានជ័យ)ក្នុងការជម្រុញឲ្យមានកំណើនអត្រាអក្ខរកម្មដើម្បីសម្រេចគោលដៅអភិវឌ្ឍន៏ប្រកបដោយចីរភាពឆ្នាំ២០៣០ ដែលផ្តោតលើការអប់រំមានគុណភាព សមធម៌ បរិយាប័ន្ន និងលើកកម្ពស់ឪកាសក្នុងការសិក្សាពេញមួយជីវិតសម្រាប់អ្នកទាំងអស់គ្នា។ពិធីអបអរសារទរទិវាអក្ខរកម្មជាតិ០៨កញ្ញាឆ្នាំ២០២៣ហើយក៏ជាលើកទី៣២នេះប្រព្រឹត្តធ្វើឡើងនៅក្នុងសាលប្រជុំក្នុងបរិវេណមន្ទីរអប់រំយុវជននិងកីឡាខេត្តឧត្តរមានជ័យ ស្ថិតក្នុងភូមិបុរីរដ្ធបាល សង្កាត់សំរោង ក្រុងសំរោង ខេត្តឧត្តរមានជ័យ។នាព្រឹកថ្ងៃទី០៦ខែកញ្ញាឆ្នាំ២០២៣នេះហើយឆ្លៀតក្នុងឪកាសនោះដែរក៏មានការអញ្ញើញចូលរួមពីសំណាក់មន្ទីរពាក់ព័ន្ធជុំវិញខេត្តជាច្រើននាក់ចូលរួមផហដែរ។
លោកបុិចរតនាប្រធានមន្ទីរអប់រំយុវជននិងកីឡាខេត្តឧត្តរមានជ័យបានលើកឡើងនៅថា អក្សរអក្ខរកម្មគឺជាគ្រឹះនៃចំណេះដឹង អក្ខរកម្មនៃការអប់រំ អក្ខរកម្មជាមូលដ្ឋាននៃការសិក្សាពេញមួយជីវិត សេវាកម្មគឺជាគន្លឹះនៃអភិវឌ្ឍនិងអក្ខរកម្មរួមចំណែកកាត់បន្ថយភាពក្រីក្ររបស់ប្រជាពលរដ្ឋ ហើយ ទិវានេះយើងរំឭក អត្រាអក្ខរកម្ម ដើម្បីសម្រេចគោលដៅអភិវឌ្ឍន៍ប្រកបដោយចីរភាព ដែលផ្ដោត លើការសិក្សាអប់រំ មានគុណធម៌សមធម៌ បរិយាប័ន្ននិងការលើកកម្ពស់ឱកាសក្នុងការសិក្សាពេញមួយជីវិតសម្រាប់ទាំងអស់គ្នា។
ថ្លែងក្នុងពិធីនេះដែរ លោកជំទាវមុំពុធធីតា បាន លើកឡើងថា តាមរយៈនៃការប្រារព្ធទិវាអក្ខរកម្មជាតិ០៨ខែកញ្ញាឆ្នាំ២០២៣ខាងមុខនេះ ខ្ញុំមានជំនឿថាក្រោយថ្ងៃនៃការប្រារព្ធកម្មវិធីរួច អស់លោកលោកស្រី មន្ត្រីអប់រំគ្រប់លំដាប់ថ្នាក់ពិសេសមន្ត្រីអប់រំក្រៅប្រព័ន្ធនិងអ្នកពាក់ព័ន្ធនឹងបន្តអនុវត្តនូវភារកិច្ច របស់ខ្លួនដោយយកចិត្តទុកដាក់ខ្ពស់ពង្រីកនិងការបង្កើតសមិទ្ធផលថ្មីថែមទៀតដែលជាសកម្មភាពលេចធ្លោអ្វីៗតាមប្រធានបទ អក្ខរកម្មជាមូលដ្ឋានគ្រឹះនៃសហគ្រិនភាពនិងសេដ្ឋកិច្ច ។
លោកជំទាវអភិបាលរងខេត្តបានគូសបញ្ជាក់បន្ថែមថា អក្ខរកម្មជាមូលដ្ឋានគ្រឹះនៃសហគ្រិនភាពនិងសង្គមសេដ្ឋកិច្ចដែលប្រធានបទនេះបានបញ្ជាក់អំពីសារៈសំខាន់នៃការលើកកម្ពស់អក្ខរកម្មតាមរូបភាពនិងជាការផ្តល់ឱកាសជាថ្មីម្តងទៀតដល់អ្នកសិក្សាជាពិសេសអ្នកដែលមានសេដ្ឋកិច្ចទន់ខ្សោយ ដោយជនបាត់បង់ឱកាសប្រជាពលរដ្ឋក្រីក្រងាយរងគ្រោះកុមារនិងយុវជនធ្វើពលកម្មនៅក្រៅសាលាកម្មករកម្មការិនីរោងចក្រកុមារនិងយុវជនជនជាតិដើមភាគតិចដើម្បីឲ្យពួកគេមានសមត្ថភាព អានសរសេរលេខអាចដោះស្រាយបញ្ហា និងមានគំនិតច្នៃប្រឌិតនិងផ្លាស់ប្តូរឥរិយាបថអវិជ្ជមានមួយចំនួននៅក្នុងជីវភាពរស់នៅកាន់តែល្អប្រសើរឡើងផងដែរ។
សូមបញ្ជាក់ថា ក្នុងពិធីអបអរសាទរអក្ខរកម្មជាតិថ្ងៃទី០៨ខែកញ្ញាឆ្នាំ២០២៣នេះលោកជំទាវអភិបាលរងខេត្តក៏បានផ្តល់ជាកិត្តិយសផ្តល់ប័ណ្ណសរសើរ និងផ្តល់សម្ភារ:លើកទឹកចិត្តដល់សិស្សមកពីបណ្តាលក្រុងស្រុកទាំង១៩ហើយនិងបានដាក់ពាក្យស្លោកមួយឃ្លាថា (បើសិនយើងរៀនថ្ងៃមិនចេះឲ្យ រៀនបន្ថែមនៅពេលយប់បន្តទៀត។
