(ឧត្តរមានជ័យ) ផ្ទុះការតវ៉ាស្ទះផ្លូវជិត៤០នាទីនៅច្រកអូរស្មាច់ ដែលហេតុការនេះធ្វើឡើងនៅវេលាម៉ោង៧និង៣០នាទីព្រឹកថ្ងៃទី០៥ខែតុលាឆ្នាំ២០២៣នេះស្ថិតនៅត្រង់ចំណុចច្រកអូរស្មាច់ សង្កាត់អូរស្មាច់ ក្រុងសំរោង ខេត្តឧត្តរមានជ័យ ដោយសារមានបងប្អូនអ្នករស់នៅអូរស្មាច់ជាច្រើនដែលមានមុខរបរដឹកភ្ញៀវ ចេញចូលពីកម្ពុជាទៅ ប្រទេសថៃបាននាំគ្នាយកឡានប្រមាណជាម្ភៃគ្រឿង ឈប់ចតបិទផ្លូវនៅមាត់ច្រកអន្តរជាតិអូស្មាច់ខណៈពេលដែលខាងភាគីថៃបិទកុំឱ្យពួកគាត់មានការដឹកភ្ញៀវចេញចូលបន្តទៅទៀតអស់រយ:ពេល៣ថ្លៃកន្លងមកហើយ។
ជាក់ស្ដែងនៅព្រឹកមិញនេះផ្ទាល់ក៏មានការចេញមកជួយអន្តរាគមន៍ពីសំណាក់ លោកឧត្តមសេនីយ៏ត្រី អៀសុផល នាយប៉ុស្តិ៏នគរបាលអន្តោសប្រវេសន៏ប្រចាំការច្រកអន្តរជាតិអូរស្មាច់ក្នុងនោះក៏មានសមត្ថកិច្ចពាក់ព័ន្ធដែលឈរប្រចាំនៅមាត់ច្រកអូរស្មាច់ជួយធ្វើការសម្របសម្រួលឲ្យបងប្អូនដែលមានឡានយកមកបិទផ្លូវទាំងអស់នោះយកឡានចេញពីច្រកអូរស្មាច់ ដើម្បី សម្រួលដល់ការធ្វើដំណើរចេញចូលរវាងភាគីខ្មែរនិងថៃ និងជួបពិភាក្សាដោះស្រាយឆ្លើយតបទៅប្រជាពលរដ្ធភ្លាមៗតែម្តង។
ជុំវិញការតវ៉ាបិទផ្លូវរវាង បងប្អូនដែលមានឡានដឹកភ្ញៀវចេញចូលពីកម្ពុជាទៅថៃនេះផងដែរលោកឯមបញ្ញារិទ្ធ ប្រធានទីស្នាក់ការត្រួតពិនិត្យច្រកទ្វារព្រំដែនអន្តរជាតិអូរស្មាច់ ក្រោយពីមានការផ្ទុះ ការតវ៉ាពីបងប្អូនអ្នករកសុីដឹកភ្ញៀវហើយលើកគ្នាយកឡានបិទផ្លូវ ភ្លាមៗនោះ លោកបានជួបពិភាក្សាផ្ទាល់នៅមាត់ច្រកអន្តរជាតិអូរស្នាច់រវាងភាគីថៃនិងខ្មែររយ:ពេលជិត១ម៉ោងដោយមានការចូលរួមពីភាគីពាក់ព័ន្ធទាំងអស់គ្នាជាច្រើននាក់ផងដែរ។
លោកប្រធានទីស្នាក់ការត្រួតពិនិត្យច្រកទ្វារព្រំដែនអន្តរជាតិអូរស្មាច់ដដែលបានបញ្ជាក់ប្រាប់បន្ថែមថា ក្រោយជួបពិភាក្សាជាមួយខាងភាគីថៃរយៈពេលមួយម៉ោងកន្លងមកនៅថ្ងៃទី០៥ខែតុលាឆ្នាំ២០២៣នៅវេលាម៉ោង៩និង៣០នាទីដោយលោកបានស្នើសុំពីខាងភាគីថៃទុករយៈពេលមួយខែសិនគិតចាប់ថ្ងៃនេះតទៅដើម្បីធ្វើការប្រជុំសម្រេចថាតើការកំណត់របស់ភាគីថៃឡានទេសចរណ៏ លក្ខណ:គ្រួសារ អាចចូលបាន ឡានតាក់សុីប្រភេទណាដែលមិនអនុញាតិឲ្យចូលពិតប្រាកដ មួយវិញទៀតកាលពីលោកបានប្រជុំជាមួយខាងភាគីថៃកាលពីកំឡុងថ្ងៃទី២៧ខែកញ្ញាឆ្នាំ២០២៣កន្លងទៅថ្មីៗនេះ ខាងថៃគេលើកឡើងទៀតថា ចំពោះឡានតាក់ស៊ីខ្មែរដឹកភ្ញៀវចេញចូលប្រទេសថៃគឺមិនអនុញ្ញាតឲ្យចូលជាដាច់ខាត ចាប់ពីពេលនេះតទៅហើយច្បាប់ស្រុកគេក៏មានយូហើយតែគេចេះតែយោគយល់ប្រទេសជិតខាងកន្លងមក ពីព្រោះពាក់ព័ន្ធទៅនឹងសេដ្ឋកិច្ចប្រជាជនប្រទេសគេហើយក្រុមហ៊ុនឡានតាក់សុីថៃគេដឹកភ្ញៀវធ្វើច្បាប់ មានធានារ៉ាប់រង បង់ពន្ធជូនរដ្ឋត្រឹមត្រូវខណៈដែលពេលបងប្អូនប្រជាពលរដ្ឋខ្មែរយើងមានឡានដឹកភ្ញៀវទៅចូលប្រទេសគេអ៊ីចឹងបាត់បង់សេដ្ឋកិច្ចគេកាន់តែធ្ងន់ធ្ងរថែមទៀត។
ពាក់ព័ន្ធទៅនឹងការបិទផ្លូវនេះដែរបើតាមប្រភពពីឈ្មោះជីវ័ន្ត រស់នៅសង្កាត់តំណាងឲ្យក្រុមឡានដែលមកធ្វើការបិទលើកឡើងថា ពួកគាត់ជាអ្នករស់នៅនិងទឹកដីអូស្មាច់ទាំងម្ភៃឡាននេះគឺបានរកស៊ីដឹកភ្ញៀវចេញចូលពីខ្មែរទៅថៃ ដើម្បីទីព្យាបាលជំងឺនៅប្រទេសថៃ ក្នុងខេត្តសុរិន្ទ និងអូរប៊ុនក្នុងខេត្តសុីសាកេតប្រទេសថៃមានរយៈពេល ជិតម្ភៃឆ្នាំមកហើយ កន្លងមកបញ្ហានេះបានកើតឡើងម្តងរួចហើយនៅឆ្នាំ២០១៧តែដោតមានការសម្របសម្រួលពីអាជ្ញាធរកម្ពុជានិងថៃ បានអនុញាតិឲ្យពួកគាត់ចេញចូលរហូតមកដោយឡែកលើកនេះត្រឹមប្រមាណរយៈពេលបីថ្ងៃនេះក៏មានការបិទម្តងទៀតក៏ពួកគាត់លើកគ្នាមកតវ៉ាតែម្តង។
បើយោងតាមប្រភពដដែលបានអះអាងបន្តថា ក្នុងនាមប្រជាពលរដ្ឋនៅក្នុងសង្កាត់អូស្មាច់ មានតែទទូចស្នើសុំឲ្យអាជ្ញាធរពាក់ព័ន្ធជួយធ្វើការសម្របសម្រួលឲ្យពួកគាត់បានចូលទៅដឹកភ្ញៀវវិញធម្មតា ដើម្បីឲ្យពួកគាត់បានប្រាក់ខ្លះចិញ្ចឹមជីវភាពគ្រួសារប្រចាំថ្ងៃ ហើយពួកគាត់ក៏ពុំមែនជាអ្នករត់តាក់សុីដូចខាងភាគីប្រទេសថៃចោទមិនហាមនោះដែរ ចំពោះការដឹកភ្ញៀវរបស់ពួកគាត់នេះផ្ទាល់ដោយសារតែមានបងប្អូនមកពីខេត្តផ្សេងខលតាមទូរស័ព្ឌស្គាល់តៗគ្នានោះទេ ដោយឡែកការចេញចូលដឹកភ្ញៀវចូលទៅព្យាបាលជំងឺនៅប្រទេសថៃគឺពួកគាត់បានធ្វើលិខិតស្នាមត្រឹមត្រូវ ហើយពេលបើកបរនៅប្រទេសគេគោរពច្បាប់ជាប្រចាំហើយក៏ពុំដែលមានបញ្ហាគ្រោះថ្នាក់អ្វីម្តងណាឡើយ។
