ព្រះសីហនុ៖ បុរសម្នាក់បើករថយន្តក្រឡុកសុីម៉ង់ត៍ទៅបុកកិនពីលើម៉ូតូមួយគ្រឿងរួចក៏ជ្រុលទៅបុកចូលការដ្ឋានសំណង់មួយកន្លែងនៅតាមផ្លូវបេតុងចុះពីសង្កាត់លេខ១ មករោងចក្រ័អូរ២ ក្នុងសង្កាត់លេខ៤ ក្រុងព្រះសីហនុ កាលពីម៉ោងជាង៨យប់ថ្ងៃ២មិថុនា២០១៩ បណ្តាលអោយជនរងគ្រោះជាគ្រូបង្រៀនម្នាក់ស្លាប់នៅនឹងកន្លែងកន្លែងកើតហេតុ។
យោងតាមរបាយការណ៏របស់សមត្ថកិច្ចអោយដឹងថា ជនរងគ្រោះមានឈ្មោះ កក ភេទប្រុស មានមុខរបរជាគ្រូបង្រៀន ត្រូវបានរថយន្តក្រឡុកស៊ីម៉ង់ត៏របស់ក្រុមហ៊ុ SCC ដែលមានការអះអាងថាដាច់ហ្រ្វាំងពេលចុះផ្លូវចំណោត បានបុកកិនពីលើជនរងគ្រោះកំពុងជិះម៉ូតូបណ្តាលអោយជនរងគ្រោះស្លាប់គៀបជាប់នៅពីក្រោមរថយន្ត។
អ្នកដែលឃើញហេតុការណ៍ផ្ទាល់បញ្ជាក់ថា ពេលដែលជនរងគ្រោះកំពុងជិះម៉ូតូម៉ាក សេ១២៥សេរី២០១៧ពណ៌ខ្មៅ តាមផ្លូវចំណោតនេះ ស្រាប់តែរថយន្តក្រឡុកស៊ីម៉ង់ត៌មួយគ្រឿងនោះ បើកចុចំណោតយ៉ាងលឿន រួចក៏បានបុកម៉ូតូជនរងគ្រោះពេញទំហឹង ហើយបានអូសទាំងជនរងគ្រោះទាំងម៉ូតូចូលក្នុងការដ្ឋានសំណង់មួយកន្លែងបណ្តាលអោយរថយន្ត និងម៉ូតូខូច រីឯជនរងគ្រោះស្លាប់ដាច់សាកសពជាពីរ បីកំណាត់គៀបជាប់ខាងក្រោមរថយន្ត។
ករណីនេះសមត្ថកិច្ចកំពុងចាត់ការដោះស្រាយបន្តតាមផ្លូវច្បាប់៕
