បាត់ដំបង ៖ កំលាំងជំនាញប្រឆាំងគ្រឿងញៀន នៃអធិការដ្ឋាននគរបាលក្រុងបាត់ដំបងបានចុះប្រតិបត្តិការបង្ក្រាប ករណី រក្សាទុកដោយខុសច្បាប់នូវសារធាតុញៀនបានឃាត់ខ្លួនជនសង្ស័យចំនួនម្នាក់នៅថ្ងៃទី០៣ ខែមិថុនា ឆ្នាំ២០១៩ វេលាម៉ោង ១៦និង១០ នាទី នៅចំណុចក្រុមទី១០ ភូមិតាព្រួច សង្កាត់ក្តុលដូនទាវ ក្រុងបាត់ដំបង ខេត្តបាត់ដំបង។
សមត្ថកិច្ចបានឲ្យដឹងថាបានឃាត់ខ្លួនជនសង្ស័យចំនួនម្នាក់មានឈ្មោះ វ៉ាន់ ឧសភា ហៅធាម៉ាប់ ភេទប្រុស អាយុ ៣២ឆ្នាំ មានទីលំនៅក្រុមទី១០ ភូមិតាព្រួច សង្កាត់ក្តុលដូនទាវ ក្រុងបាត់ដំបង ខេត្តបាត់ដំបង ។
វត្ថុតាងចាប់យករួមមាន ម្សៅក្រាមពណ៍សថ្លាច្រកក្នុងថង់ប្លាស្ទីកថ្លា ចំនួន០៦ថង់ ( ធំ០៣ថង់ តូច០៣ថង់ ) ទូរស័ព្ទដៃចំនួន ០១គ្រឿង( ចាស់)សំភារកែឆ្នៃ សំរាប់ប្រើប្រាស់ថ្នាំញៀនមួយចំនួន។
បច្ចុប្បន្នជនសង្ស័យបានឃាត់ខ្លួនបញ្ចូនទៅអធិការដ្ឋាននគរបាលក្រុងបាត់ដំបងដេីម្បីកសាងសំណុំរឿងចាត់ការតាមផ្លូវច្បាប់៕
