ភ្នំពេញ ៖ រថយន្តមួយគ្រឿងបើកក្នុងល្បឿនលឿនជាន់ហ្វ្រាំងមិនស៊ីបានជ្រុលទៅបុករថយន្តបីគ្រឿងបន្តកន្ទុយគ្នារួមទាំងម៉ូតូលក់បបរមួយគ្រឿងទៀតរងការខូចខាត់យ៉ាងដំណំ។
ហេតុការណ៍នេះបានកើតឡើងនៅថ្ងៃទី០៥ ខែមិថុនា ឆ្នាំ២០១៩ នៅវេលាម៉ោង៩នឹង៥០នាទីព្រឹកនៅតាមបណ្ដោយផ្លូវវេងស្រេងដែលស្ថិតនៅក្នុងសង្កាត់ចោមចៅទី១ ខណ្ឌពោធិ៍សែនជ័យរាជធានីភ្នំពេញ។
ប្រភពពីកន្លែងកើតហេតុបានឱ្យដឹងថា នៅមុនកើតហេតុគេរថយន្តបីគ្រឿងនឹងម៉ូតូលក់បបរបានធ្វើដំណើរតាមផ្លូវវេងស្រេងពីទិសខាងកើតមកខាងលិចស្រាប់តែមានរថយន្តមួយគ្រឿងពាក់ស្លាក់លេខ3C-9842ធ្វើដំណើរស្របទិសនោះបានបុកពីក្រោយរថយន្តបីគ្រឿងនឹងម៉ូតូលក់បបរពីក្រោយយ៉ាងពេញទំហឹង ។
ភ្លាមៗនោះសមត្ថកិច្ចបានមកដល់កន្លែងកើតហេតុបានបាញ់ថ្នាំគូសនៅកន្លែងកើតហេតុរួចបានឱ្យម្ជាស់រថយន្តបើកមកអែបខាងដើម្បីដោះស្រាយគ្នានឹងកុំឱ្យស្ទះចរាចរណ៍ដល់អ្នកធ្វើដំណើរ ចំណែកម្ចាស់រថយន្តកូរ៉េមួយគ្រឿងបានរងការខូចខាតបន្ទិចបន្ទួចនោះក៏បានសូមសមត្ថកិច្ចចេញធ្វើដំណើរបាត់ទៅ ចំណែករថយន្តដែលបង្កខាងលើត្រូវបានដោះស្រាយជាមួយរថយន្តរងគ្រោះនៅកន្លែងកើតហេតុបានផ្ដល់ផ្ដល់សំណងដល់ជនរងគ្រោះដែលខូចខាតរថយន្តខាងលើដើម្បីជូសជុលបានបញ្ចប់រឿងនៅកន្លែងកើតហេតុ ក្នុងករណីគ្រោះថ្នាក់ចរាចរាណ៍ខាងលើនេះមិនបណ្ដាលឱ្យមានអ្នករងធ្ងន់នោះទេគ្រាន់តែរងរបួសស្រាលនឹងរងការខូចខាត់រថយន្តរួមសម្ភារតែប៉ុណ្ណោះ៕
