ភ្នពេញ៖ បុរសម្នាក់ត្រូវបានកម្លាំងនគរបាលប៉ុស្តិ៍រដ្ឋបាលឃ្មួញ ឃាត់ខ្លួនពាក់ព័ន្ធករណីចេញសែកគ្មានទឹកប្រាក់ នៅថ្ងៃទី០៦ ខែមិថុនា ឆ្នាំ២០១៩ វេលាម៉ោង ១៨ និង០០នាទី នៅចំណុចក្នុងក្រុមហ៊ុនដ្រេហ្គនស៊ីធីខនគ្រីត(ក្រុមហ៊ុនលាយបេតុង)ផ្ទះលេខ១៤០៦ ផ្លូវបេតុង ភូមិអន្លង់ក្ងាន សង្កាត់ឃ្មួញ ខណ្ឌសែនសុខ ។
ប្រភពព័ត៌មានពីសមត្ថកិច្ចបានឲ្យដឹងថា ជនសង្ស័យម្នាក់មាន ឈ្មោះ សរ ចាន់ដារ៉េត ភេទប្រុស អាយុ២៩ឆ្នាំ ជនជាតិខ្មែរ មុខរបរម៉ៅការសំណង់ ស្នាក់នៅផ្ទះលេខ២៦សេ១ ផ្លូវបេតុង ភូមិភ្នាត សង្កាត់ស្ទឹងមានជ័យ ខណ្ឌមានជ័យ(គ្មានសារធាតុញៀន) ។
ជនរងគ្រោះ ០១នាក់ ឈ្មោះ ង៉ែត ចំរើន ភេទប្រុស អាយុ៣៤ឆ្នាំ ជនជាតិខ្មែរ មុខរបរបុគ្គលិកក្រុមហ៊ុនដ្រេហ្គនស៊ីធីខនគ្រីត ស្នាក់នៅបន្ទប់ជួល ផ្លូវបេតុង ភូមិច្រេស សង្កាត់គោកឃ្លាង ខណ្ឌសែនសុខ ។
សម្ភារៈបន្សល់ទុក ៖ សែកគ្មានទឹកប្រាក់ចំនួន០២សន្លឹក ។
សម្ភារៈបាត់បង់ ៖ លុយដុល្លាចំនួន៥៥.៦៥៥ដុល្លា ។
សមត្ថកិច្ចបានបន្តទៀតថានៅ មុនពេលកើតហេតុនៅក្នុងកំឡុងខែធ្នូឆ្នាំ២០១៨ ជនសង្ស័យខាងលើ បានមកទំនាក់ទំនងនៅក្រុមហ៊ុនដ្រេហ្គនស៊ីធីខនគ្រីត ដើម្បីយកបេតុងលាយស្រេចទៅលក់បន្ត តែមិនទាន់ទូរទាត់សាចប្រាក់ឲ្យក្រុមហ៊ុន សរុបជាទឹកប្រាក់ចំនួន៥៥.៦៥៥ដុល្លា បន្ទាប់មកជនសង្ស័យបានចេញសែកធានាគារ ABA ចំនួន០២សន្លឹក ឲ្យទៅក្រុមហ៊ុន លុះដល់ថ្ងៃកំណត់ ភាគីក្រុមហ៊ុន បានយកសែកទៅបើកប្រាក់នៅធានគារABA តែត្រូវបុគ្គលិកធានាគារប្រាប់មកជនរងគ្រោះវិញថា សែកទាំងពីរសន្លឹកនេះពុំមានសាច់ប្រាក់នៅក្នុងកុងធានាគារទេ ។
បន្ទាប់មកជនរងគ្រោះធ្វើការទំនាក់ទំនង់ទៅជនសង្ស័យ តែទំនាក់ទំនងមិនបាន លុះដល់ថ្ងៃទី០៥-០៦-២០១៩ ជនសង្ស័យបានមកក្រុមហ៊ុនដ្រេហ្គនស៊ីធីខនគ្រីតដោយពុំមានប្រាក់ទូទាត់ឲ្យក្រុមហ៊ុន ទើបជនរងគ្រោះឃាត់ខ្លួនជនសង្ស័យប្រគល់ឲ្យអធិការដ្ឋាននគរបាលខណ្ឌសែនសុខ រួចជនរងគ្រោះបានដាក់ពាក្យបណ្តឹងចោទប្រកាន់ជនសង្ស័យតែម្តង ។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕
