ភ្នំពេញ៖ស្រ្តីម្នាក់ត្រូវបានស្លាប់និងម្នាក់ទៀតរងរបួសធ្ងន់បន្ទប់ត្រូវបានរថយន្តមួយគ្រឿងម៉ាកកូរ៉ូឡបេីកបុកពេញទំហឹងបណ្តាលអោយស្លាប់យ៉ាងអាណោចអាធម៍ទាំងព្រឹកចំណែកឯម្ចាស់រថយន្តរត់គេចខ្លួនបាត់ស្រមោល។
ហេតុការណ៍នេះបានកើតឡើងកាលពីវរលាម៉ោង០៥នឹង១៥នាទីថ្ងៃទី១២ខែមិថុនាឆ្នាំ២០១៩តាមបណ្តោយផ្លូវព្រះនរោត្តមកែងផ្លូវ២១៤នៅចំណុចអនុវិទ្យាល័យចតុុមុខស្ថិតនៅក្នុងសង្កាត់ចតុមុខខ័ណ្ឌដូនពេញ។
តាមប្រភពព័ត៌មាននៅកន្លែងកើតហេតុបានឲ្យដឹងថា មុនពេលកើតហេតុគេបានឃើញ ជនរងគ្រោះ ប្រុសម្នាក់ស្រីម្នាក់បានជិះម៉ូតូម៉ាកនិច ពណ៌ស ពាក់ស្លាកលេខកំពង់ធំ 1l-19 80 ធ្វើដំណើរក្នុងទិសដៅពីលិចទៅកើត លុះមកដល់ចំណុចកើតហេតុ ស្តុបបែកជាបួនក៏មានរថយន្តកូរ៉ូឡា ពណ៌ឈាមជ្រូក ពាក់ស្លាកលេខភ្នំពេញ 2A-67 06 ធ្វើដំណើរពីត្បូងទៅជើង ក្នុងរឿងល្បឿនលឿនបានជ្រុលមកបុកម៉ូតូជនរងគ្រោះបណ្ដាលឲ្យនារីម្នាក់ស្លាប់នឹងកន្លែងកើតហេតុនិងម្នាក់ទៀតជាបុរសរងរបួសធ្ងន់ត្រូវបានបញ្ជូនទៅមន្ទីរពេទ្យសង្គ្រោះភ្លាមៗតែម្ដង ។
ដោយជនរងគ្រោះមានឈ្មោះនាង លាបភា ភេទស្រី អាយុ២៦ឆ្នាំ មានមុខរបរនៅផ្ទះ ស្នាក់នៅ ម្តុំបាក់ទូក មានស្រុកកំណើតនៅ ខេត្តបាត់ដំបង រីឯជនរងគ្រោះរងរបួសធ្ងន់មានឈ្មោះ ណាត់ វិចិត្រ ភេទប្រុស អាយុ២៥ឆ្នាំ ស្នាក់នៅម្តុំបាក់ទូក មានមុខរបរចុងភៅ ។
ក្រោយពេលកើតហេតុសមត្ថកិច្ចមូលដ្ឋានបានមកធ្វើការវាស់វែងនិងទំនាក់ទំនងទៅខាងចរាចរណ៍ជើងគោកមកធ្វើកំណត់ហេតុ យករថយន្តបង្កនិងម៉ូតូជនរងគ្រោះទៅរក្សាទុករង់ចាំការដោះស្រាយនៅពេលក្រោយ
ចំណែកសពប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី ៕សំនៀង
