ខេត្តព្រះសីហនុ ៖ បុរសម្នាក់បានស្លាប់នៅនឹងកន្លែង និង ម្នាក់ទៀតរងរបួសធ្ងន់ក្នុងករណីគ្រោះថ្នាក់ចរាចរណ៏រវាងរថយន្តដឹកដីស្លាកលេខខេមរភូមិន្ទបុកជាមួយម៉ូតូ ហេតុការណ៏នេះបានកេីតឡេីងកាលពីវេលាម៉ោង២០និង៥០នាទី ត្រូវនឹងថ្ងៃទី១៣ ខែមិថុនា ឆ្នាំ២០១៩ លើផ្លូវ២ធ្នូ ត្រង់ចំណុច មុខសណ្ឋាគារសូហ្គេន (ស្ពានសណ្ឋាគារសុខា ) ស្ថិតនៅក្នុងភូមិ៤ សង្កាត់លេខ៤ ក្រុងព្រះសីហនុ ខេត្តព្រះសីហនុ។
បេីតាមលោកស្នងការរងទទួលផែនសណ្តាប់ធ្នាប់នៃស្នងការដ្ឋាននគរបាលខេត្តព្រះសីហនុបានអោយដឹងថា ករណីគ្រោះថ្នាក់ចរាចរណ៍មួយកើតឡើង រវាង រថយន្តដឹកថ្ម ០១គ្រឿងម៉ាក NISSAN ពណ៌ ត្រេអ៉ី ពាក់់ស្លាកលេខ ខេមរភូមិន្ទ3-3953 បើកបរដោយឈ្មោះ អម ក្រឹម ភេទ ប្រុស អាយុ ៣១ឆ្នាំ មុខរបរ អ្នកបើកបររថយន្ត មានទីលំនៅភូមិត្រពាំជ្រៃ ឃុំឈូក ស្រុកឈូក ខេត្តកំពត មានទិសដៅពី លិច ឆ្ពោះទៅ កើត លុះដល់ចំណុចកេីតហេតុបានបុកពីខាងក្រោយម៉ូតូ ០១គ្រឿងម៉ាក HONDA C125 ពណ៌ ខ្មៅ ពាក់់ស្លាកលេខកោះកុង1B-9157 បើកបរដោយឈ្មោះ សុខ ឃឿន ភេទ ប្រុស អាយុ ២១ឆ្នាំ មុខរបរ បុគ្គលិកសណ្ឋាគារសុខា មានទីលំនៅភូមិជីផាត ឃុំទឹកល្អក់ ស្រុកថ្មបាំង ខេត្តកោះកុងមានទិសដៅពីកើតឆ្ពោះទៅលិចបណ្ដាលអោយអ្នកបើកបរម៉ូតូ ស្លាប់នៅនឹងកន្លែងកើតហេតុ ដោយមានអ្នករួមដំណើរម្នាក់ឈ្មោះ គឹម មាស ភេទ ប្រុស អាយុ ១៩ឆ្នាំ មុខរបរ បុគ្គលិកកាស៊ីណូរងរបួសធ្ងន់ មានទីលំនៅភូមិ៣ សង្កាត់លេខ១ ហេីយរថយន្ដនិងម៉ូតូបេីកបរមានទិសដៅបញ្រ្ចាសទិសគ្នា។
ក្រោយកើតហេតុសមត្ថកិច្ចបានជំនាញវាស់វែងរួច សពបានប្រគល់ជូនទៅឲ្យក្រុមគ្រួសារយកទៅធ្វើបុណ្យតាមប្រពៃណី នៅខេត្តកោះកុង រីឯ អ្នករងរបួសបានបញ្ជូនទៅសង្គ្រោះនៅគ្លីនិកមិត្តភាពឃ្លាំងលើហេីយអ្នកបើកបររថយន្តបង្កបាននាំខ្លួនមកសាកសួរនៅការិយាល័យនគរបាលចរាចរណ៍ផ្លូវគោកវត្ថុតាង រថយន្ត និង ម៉ូតូ បានយកមករក្សាទុកនៅការិយាល័យនគរបាលចរាចរណ៍ផ្លូវគោកផងដែររងចាំការដោះស្រាយតាមផ្លូវច្បាប់៕
