តាកែវ៖គ្រោះថ្នាក់ចរាចរណ៏រវាងរថយន្ដបុកម៉ូតូ បណ្ដាលអោយបុរសម្នាក់រងរបួសធ្ងន់ហេតុការណ៍នេះបានកើតឡើងនៅវេលាម៉ោង០៦និង៤៥នាទី ព្រឹកថ្ងៃទី១៤ ខែមិថុនា ឆ្នាំ២០១៩ ស្ថិតតាមបណ្ដោយផ្លូវជាតិលេខ២ ចន្លោះគីឡូម៉ែត្រលេខ៦៧-៦៨ ភូមិតាមុង ឃុំលំចង់ ស្រុកសំរោង ខេត្តតាកែវ។
ប្រភពពីកន្លែងកេីតហេតុបានអោយដឹងថារថយន្តបង្កម៉ាក CRV ពណ៌ទឹកប្រាក់ ពាក់ស្លាកលេខ ភ្នំពេញ 2M-9309 បើកបរដោយឈ្មោះ ឃាង មាស ភេទប្រុស អាយុ ៧៥ឆ្នាំ រស់នៅភូមិត្រពាំងកី ឃុំសិង្ហ ស្រុកសំរោង ខេត្តតាកែវ ធ្វើដំណើរពីជើងទៅត្បូង គ្មានរបួស។
រីឯម៉ូតូម៉ាក ស្កុបពី ពណ៌ស គ្មានពាក់ស្លាកលេខ បើកបរដោយឈ្មោះ ជុំ វីរះ ភេទប្រុស អាយុ ៣២ឆ្នាំ មានទីលំនៅភូមិព្រៃល្វាលិច ឃុំព្រៃល្វា ស្រុកព្រៃកប្បាស ខេត្តតាកែវ ធ្វើដំណើរពីត្បូងទៅជើងរងរបួសធ្ងន់ហេីយរថយន្ដនិងម៉ូតូបានធ្វេីដំណេីរបញ្ច្រាសទិសគ្នាលុះមកដល់កន្លែងកេីតហេតុក៏បានបុកគ្នាតែម្ដងទៅ។
ក្រោយមកសមត្ថកិច្ច ចុះវាស់វែងយកវត្ថុតាងរក្សាទុក នៅអធិការដ្ឋាននគរបាលស្រុកសំរោង ដើម្បីកសាងសំណុំរឿងដោះស្រាយតាមនីតិវិធី រីឯជនរងគ្រោះបានបញ្ជូនទៅសង្រ្គោះនៅមន្ទីរពេទ្យខេត្តតាកែវ៕
