ព្រះសីហនុ ៖ នគរបាលចរាចរណ៍ស្រុកព្រៃនប់បានចាប់ឃាត់រថយន្តដឹកទំនិញចំនួន២គ្រឿងយកមកណែនាំផាកពិនយ័តាមផ្លូវច្បាប់ ក្រោយពីរថយន្តទាំនោះបានដឹកទំនិញសំពីងសំពោងប៉ះពាល់ដល់សណ្តាប់ធ្នាប់ចរាចរណ៍នៅតាមដងផ្លូវ ។
បើតាមប្រភពពីលោកអធិការរងនគរបាលស្រុកព្រៃនប់ទទួលផែនផ្នែកចរាចរណ៍បានថ្លែងថា កិច្ចការនេះធ្វើឡើងតាមបទបញ្ជារបស់លោកឧត្តមសេនីយ៌ទោជួន ណារិន្ទស្នងការនគរបាលខេត្ត អោយកម្លាំងជំនាញពង្រឹងនិងត្រួតពិនិត្យការធ្វើចរាចរណ៍របស់យានយន្តផ្សេងៗ ពាក់ព័ន្ធនឹងបញ្ហាសណ្តាប់ធ្នាប់លើបណ្តោយផ្លូវជាតិ ដើម្បីការពារនិងកាត់បន្ថយគ្រោះថ្នាក់ចរាចរណ៍។
អធិការរងនគរបាលស្រុកព្រៃនប់ដដែលបានបញ្ជាក់ថារថយន្តដឹកសំពីងសំពោងនេះ ត្រូវបានឃាត់នៅតាមបណ្តោយផ្លូវជាតិលេខ3(វាលរេញកំពត) ដែលដឹកទំនិញមកពីប្រទេសវៀតណាម ចូលមកក្នុងស្រុកខ្មែរ កាលពីទៀបភ្លឺថ្ងៃទី១៥ ខែមិថុនា ឆ្នាំ២០១៩នេះ ៕
