ខេត្តកំពត៖លោកឧត្តមសេនីយ៌ទោ ម៉ៅ ចន្ទមធុរិទ្ធស្នងការនគរបាលខេត្តកំពតអោយដឹងថានៅថ្ងៃទី១៨មិថុនា២០១៩នេះថា រយៈពេលបីថ្ងៃកន្លងមកនេះ អធិការដ្ឋាននគរបាលក្រុងកំពត បានធ្វើប្រតិបត្តិការឃាត់ចាប់ម៉ូតូដែលកែឆ្នៃបំពង់សុីមាំង បំពងសម្លេងរំខានដល់ការរស់នៅរបស់ប្រជាពលរដ្ឋនិងអ្នកដំណើរតាមផ្លូវបានចំនួន ២៦ គ្រឿង ។
លោកឧត្តមសេនីយ៍ទោ ម៉ៅ ច័ន្ទមធុរិទ្ធស្នងការនគរបាលខេត្តបានបញ្ជាក់បន្ថែមថា នគរបាលគ្រប់មូលដ្ឋាននឹងអនុវត្តន៍វិធានការនេះដូចគ្នា ដោយចាប់យកម៉ូតូដែលកែឆ្នៃបំពង់សុីមាំង បំពងសម្លេងរំខានតាមផ្លូវយកមកដាក់ពិនយ័និងអប់រំ ធ្វើកិច្ចសន្យាអោយអ្នកពាក់ពន្ធ័បញ្ឈប់សកម្មភាពបែបនេះ ហើយក្នុងករណីមិនរាងចាល នគរបាលនឹងបន្តនិតិវិធីតាមផ្លូវច្បាប់បន្ថែមទៀត៕
