ភ្នំពេញ៖ប៉ុស្តិ៍រដ្ឋបាលភ្នំពេញថ្មី បានធ្វើការឃាត់ខ្លួនជនសង្ស័យចំនួនម្នាក់ករណីរក្សាទុកដោយខុសច្បាប់នូវសារធាតុញៀន
នៅចំណុចតាមផ្លូវបេតុង ភូមិបាយ៉ាប សង្កាត់ភ្នំពេញថ្មី ខណ្ឌសែនសុខ នៅថ្ងៃទី២១ខែមិថុនាឆ្នាំ២០១៩ វេលាម៉ោង២១ និង៣០នាទីយប់ ។
ប្រភពពីសមត្ថកិច្ចបានអោយដឹងថា ជនសង្ស័យម្នាក់មាន ឈ្មោះ ប៊ុត សុវណ្ណារ៉ា ភេទប្រុស អាយុ២៧ឆ្នាំ ជនជាតិខ្មែរ មុខរបររត់ម៉ូតូកង់បី ស្នាក់នៅបន្ទប់ជួល ភូមិច្រេស សង្កាត់គោកឃ្លាង ខណ្ឌសែនសុខ ។
សម្ភារៈដកហូតបានរួមមាន ក្រាមសថ្លា០២កូនថង់តូច និងម៉ូតូកង់បី០១គ្រឿង ពណ៌ខៀវ ពាក់ស្លាកលេខភ្នំពេញ1JY-2851 ។
ប្រភពដដែលបានបន្ដថា មុនពេលកើតហេតុ កម្លាំងល្បាតផ្នែកអន្តរាគមន៍ បានធ្វើការល្បាតក្នុងភូមិសាស្ត្រ ដល់ចំណុចកេីតហេតុ ឃើញជនសង្ស័យម្នាក់ កំពុងជិះម៉ូតូមួយគ្រឿងតាមផ្លូវ ដោយមានការសង្ស័យសមត្ថកិច្ចបានហៅជនសង្ស័យឲ្យឈប់ ធ្វើការត្រួតពិនិត្យលើដងខ្លូនរកឃើញវត្ថុតាងខាងលើ រួចនាំខ្លួនជនសង្ស័យធ្វើការសាកសួរ នៅអធិការដ្ឋាននគរបាលខណ្ឌសែនសុខ ។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕
