ភ្នំពេញ៖រថយន្តដឹកស៊ីម៉ង់មួយគ្រឿង បានបើកបោះពួយ ក្នុងល្បឿនលឿនហើយ ទាញចង្កូតគេចរថយន្តមួយគ្រឿង
ដែលបើកឆ្លងផ្លូវ ហើយជ្រុលចង្កូត បុករះចូលអាហារដ្ឋានម៉ូណា បណ្តាលអោយបាក់បង្គោស្លាកសញ្ញា ,រានទេវតា ព្រមទាំងបុកនឹងក្រឡាប់សង្កាត់ម៉ូតូដែលឈប់ចតត្រៀបត្រារងការខូចខាតចំនួន១០គ្រឿង ។
ទោះបីជាយ៉ាងណាចាត់ជាសំណាងពុំបណ្តាលអោយមនុស្សរងរបួសឡើយ ។
នៅក្នុងហេតុការណ៍ក៍បណ្តាលអោយកញ្ចក់អាហារដ្ឋាន បែករងការចខូចខាត។ ដោយឡែកអ្នកបើកបរ ត្រូវបានប្រជាពលរដ្ឋនាំគ្នាឃាត់ខ្លួន ប្រគល់អោយនគរបាលដើម្បីដោះស្រាយសងការខូចខាតហេតុការណ៍ គ្រោះថ្នាក់នេះបានកើតឡើងកាលពីវេលាម៉ោង ៩និង៣០នាទីព្រឹកថ្ងៃទី០២ ខែកក្កដា ឆ្នាំ ២០១៩ នៅអាហារដ្ឋានម៉ូណា ស្ថិតនៅតាមបណ្តោយ ផ្លូវលេខ២០១១ ក្នុងភូមិ គោកឃ្លាង សង្កាត់គោកឃ្លាង ខណ្ឌសែនសុខ ។
រថយន្ត ដែល បុករះចូលហាងបាយ និងក្រឡាប់ នោះ ម៉ាក់KIAពណ៌ខៀវ ភ្នំពេញ2S.3904 បើកបរ ដោយឈ្មោះ ណូ ណាក់ ភេទប្រុសអាយុ២៣ឆ្នាំ ស្នាក់នៅដេប៉ូលក់គ្រឿងសំណង់ចេងលីមអៀង នៅម្តុំមជ្ឈមណ្ឌពាណិជ្ជកម្មបឹងបៃតង។
តាមប្រភពព័ត៌មានបានឲ្យដឹងថា នៅមុនពេលកើតហេតុ គេឃើញរថយន្តដឹកស៊ីម៉ង់ខាងលើ បានធ្វើដំណើរ តាមផ្លូវ លេខ ២០១១ ក្នុងទិសដៅពីជើង ទៅត្បូង ដោយល្បឿនលឿនមកដល់កន្លែងកើតហេតុ ស្រាប់តែរថយន្តក៍បានរ៉េចង្កូត ទៅស្តាំដៃបុកចូលអាហារដ្ឋានម៉ូណាទាំងកំរោលតែម្តង។
តាមព័ត៌មានអោយដឹងទៀតថា បង្គោលស្លាកកំណត់ល្បឿន , រានទេវតាបានបាក់ និងម៉ូតូដែលកំពុងឈប់ចតត្រៀបត្រា នៅមុខហាងចំនួន៦គ្រឿង បានបុករុញទៅគរលើគ្នានៅ គៀនជញ្ជាំងរងការខូចខាតហើយ រថយន្តក៍បានក្រឡាប់សង្កត់ទៅលើ ម៉ូតូ៣គ្រឿង និងម៉ូតូកង៣មួយគ្រឿង ទៀត ដែលឈប់ចតនៅមុខ ហាងលក់គ្រឿងបន្លាស់រថយន្តយីហោ«អេង ឡុង» ។
នៅក្នុងគ្រោះថ្នាក់នោះ ក៍បណ្តាលអោយកញ្ចក់ហាងបាយ ក៍បានរងការខូចខាត តែសំណាងល្អ មិនបណ្តាលអោយមនុស្សរងរបួសឡើយភ្លាមៗ អ្នកបើកបរ រថយន្ត ត្រូវបានប្រជាពលរដ្ឋនាំគ្នា ឃាត់ខ្លួន ប្រគល់អោយ នគរបាលដើម្បីដោះស្រាយ៕ដោយ៖លោក សំនៀង
