ខេត្តកណ្តាល ៖បុរសម្នាក់ កាត់ដែករបងបែកផ្លែម៉ូទ័រមុតបំពង់ក បណ្តាលឲ្យស្លាប់ភ្លាម ៗនៅកន្លែងកេីតហេតុ ហេតុកាណ៍នេះកើតឡើងកាលពីវេលាម៉ោង៨និង១០នាទី ថ្ងៃទី០៣ ខែកក្តដា ឆ្នាំ២០១៩ ចំណុចភូមិជ្រោយតាប៉ា ឃុំគគីរ ស្រុកកៀនស្វាយ ខេត្ត កណ្តាល។
ប្រភពពីសមត្ថកិច្ចបានអោយដឹងថាជនរងគ្រោះឈ្មោះ ធុល ធឿន ភេទប្រុសអាយុ៣៣ឆ្នាំជនជាតិខ្មែរមុខរបរ ជាងសំណង់មានទីលំនៅភូមិជ្រោយតាប៉ា ឃុំ គគីរ ស្រុកកៀនស្វាយ ខេត្តកណ្តាល(ស្លាប់)។
តាមប្រភពពីកន្លែងកេីតហេតុបានអោយដឹងថា ជនរងគ្រោះ ត្រូវបានឈ្មោះម៉ៅ វ៉ាន់ណេ ភេទប្រុស អាយុ ៤៥ ឆ្នាំ ជនជាតិខ្មែរ មុខរបរ ជាងសំណង់មានទីលំនៅភូមិកោះបៀ ឃុំគគីរ ស្រុកកៀនស្វាយ ខេត្តកណ្តាល ហៅអោយមកជួយធ្វើទ្វារដែក ផ្ទះឈ្មោះយាន វុធភេទប្រុស អាយុ ៤៩ ឆ្នាំ(ខ្មែរ) មានទីលំនៅ ក្នុងភូមិជ្រោយតាប៉ា ឃុំគគីរ ស្រុកកៀនស្វាយ ខេត្តកណ្តាល ពេលមកដល់ជនរងគ្រោះបានយកម៉ូទ័រទៅកាត់ទ្វារដែកភ្លាមនោះស្រាប់តែផ្លែម៉ូទ័របែកខ្ទាត មកមុត ចំបំពង់ក បណ្តាលឲ្យដាច់ខ្យល់ស្លាប់មុនពេលបញ្ចូនមកដល់ពេទ្យបង្អែកស្រុកកៀនស្វាយ ។
សមត្ថកិច្ចបានបន្ដទៀតថា ក្រោយពីទទួលបានព័ត៌មានកំលាំងប៉ុស្តិ៍នគរបាលរដ្ឋបាលគគីរ សហការជាមួយកំលាំងជំនាញ អាជ្ញាធរមូលដ្ឋាននិងគ្រូពេទ្យឃុំចុះពិនិត្យសាកសពនិងបានបញ្ជាក់ថា សាកសពមាន
ស្លាកស្នាមមុតបំពង់កចំនួន ០១កន្លែងប្រវែង ៦ សង់ទីម៉ែត្រជំរៅ ៦សង់ទីម៉ែត្រ។
បច្ចុប្បន្នសាកសពបានប្រគល់អោយក្រុមគ្រួសារយកទៅធ្វើបុណ្យតាមប្រពៃណី៕ ដោយ៖លោក ម៉េង ហួត
