មណ្ឌលគិរី ៖ យុវជនម្នាក់ ព្រោះតែចង់បានប្រពន្ធ និងត្រូវម្តាយឪពុកស្តីបន្ទោសអោយ បានសម្រេចចិត្តយ៉ាងតក់ក្រហល់ ដោយប្រើខ្សែចងករធ្វើអត្តឃាតតែម្តង។
ករណីនេះបានកើតឡើងនៅព្រលឹមថ្ងៃទី០៨ខែកក្កដាក្រោយវិហារយេស៊ូគ្រីស្ត ក្នុងភូមិឡៅកា សង្កាត់សុខដុម ក្រុងសែនមនោរម្យ ខេត្តមណ្ឌលគិរី។
អធិការនគរបាលក្រុងសែនមនោរម្យ លោកវរសេនីយ៍ឯក កាន់ ពេញ បានអោយដឹងថា នៅថ្ងៃទី០៨ ខែកក្កដា ឆ្នាំ២០១៩ វេលាម៉ោង០៦និង២០នាទីព្រឹក នៅចំណុចភូមិឡៅកា សង្កាត់សុខដុម ក្រុងសែនមនោរម្យ ខេត្តមណ្ឌលគិរី មានករណីអត្តឃាតដោយចងករមួយករណី ក្រោយវិហារយស៊ូគ្រីស្ត ឬអង្គការដំណឹងល្អទាំង៤។
លោក បញ្ជាក់ថា ករណីនេះ នគរបាលក្រុងសែនមនោរម្យ បានធ្វើការពិនិត្យសាកសពភ្លាមៗ និងមិនបានរកឃើញស្លាកស្នាមអ្វីក្រៅពីស្នាមជាំនៃខ្សែចងករនោះឡើយ
លោកបន្ថែមថា ជនរងគ្រោះឈ្មោះ រៀម លីថូ ភេទប្រុស អាយុ១៨ បច្ចុប្បន្នរស់នៅភូមិឃុំខាងលើ។ហើយ មូលហេតុ ខឹងឪពុកម្តាយស្តីបន្ទោសរឿងដេីរលេងយប់ និងមិនដណ្តឹងប្រពន្ធដែលខ្លួនស្រលាញ់អោយ។ ក្រោយពិនិត្យសាកសពរួច សមត្ថកិច្ចបានប្រគល់សព ជូនក្រុមគ្រួសារទទួលយកទៅធ្វេីបុណ្យតាមប្រពៃណី៕
