ភ្នំពេញ៖ បុរសជាកងទ័ពជើងទឹកម្នាក់បានស្លាប់បាត់បង់ជីវិត
បន្ទាប់ពីបញ្ជូនទៅមន្ទីពេទ្យ ដោយសារដើរឆ្លងផ្លូវមិនប្រយ័ត្នត្រូវបានម៉ូតូបុកពេញទំហឹង បណ្តាលឲ្យអ្នកបើកម៉ូតូរងរបួសធ្ងន់ កាលពីវេលាម៉ោង១២និង១០នាទីយប់ រំលងអធ្រាត្រ
ឈានចូលថ្ងៃសុក្រ ទី១២ ខែកក្កដា ឆ្នាំ២០១៩ ត្រង់ចំណុច
ជាប់របងកំពង់ផែភ្នំពេញ ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។
ជនរងគ្រោះដែលស្លាប់មានឈ្មោះ ហែម នៅ ភេទប្រុស
អាយុ៦០ឆ្នាំ ជនជាតិខ្មែរ មុខរបរជាកងទ័ពជើងទឹក អគ្គបញ្ជាដ្ឋាន ឋានន្តរសក្តិ វរនាវីទោ សក្ត័៤កន្លះសព្វថ្ងៃរស់នៅក្នុងសង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។
យោងតាមប្រភពពីកន្លែងកើតហេតុបានឲ្យដឹងថាដំបូងឡើយគេឃើញបុរសជាជនរងគ្រោះខាងលើបានដើរឆ្លងផ្លូវ
តាមបណ្តោយផ្លូវលេខ៨៤ (វិថី នារីក្លាហាន) ទឹសដៅពីលិចទៅកើត ខណះកំពង់តែដើរឆ្លងផ្លូវក៏ស្រាប់តែមានម៉ូតូមួយគ្រឿងម៉ាកភូរ ស្រា ពណ៌ខ្មៅ លាយស ពាក់ស្លាកលេខ
ភ្នំពេញ1CT.9933បើកដោយបុរសម្នាក់យ៉ាងលឿនតាមបណ្តោយផ្លូវព្រះសុីសុវត្ថិ ទឹសដៅពីត្បូងទៅជើង បុកពេញទំហឹងបណ្តាលឲ្យអ្នកដើរនិងអ្នកជិះម៉ូតូរងរបួសធ្ងន់ស្រាលបីនាក់។
ភ្លាមៗក៏មានរថយន្តសង្រ្គោះមកដឹកយកទៅមន្ទីពេទ្យបាន ពាក់កណ្តាលផ្លូវតែអកុសល់អ្នកដើរស្មើរជើងបានស្លាប់បាត់ទៅហើយ។
ក្រោយមកសមត្ថកិច្ចមូលដ្ឋានបានមកដល់ក៏ទាក់ទងជំនាញចរាចរណ៏ក្រុងចុះមកវាស់វែងយកម៉ូតូទៅរក្សាទុកនៅស្នងការដ្ឋាននគរបាលជើងគោក ចរាចរណ៏រាជធានីភ្នំពេញ រងចាំដោះស្រាយគ្នានៅពេលក្រោយ។ ចំណែកសព
សមត្ថកិច្ចធ្វើកំណត់ហេតុរួចប្រគល់ឲ្យទៅសាច់ញាតិយកទៅធ្វើបុណ្យតាមប្រពៃណី៕ដោយ៖លោកសំនៀង
