ត្បូងឃ្មុំ៖ស្ដ្រីវ័យចំណាស់ម្នាក់ បោចស្មៅមុខផ្ទះ ប៉ះតំណរខ្សែភ្លើងម៉ូទរ័បូមទឹកបណ្តាលអោយឆក់ស្លាប់ភ្លាមៗហេតុការណ៍ដ៍រន្ឋត់នេះបាន កើតឡើងកាលពី វេលាម៉ោង០៨និង៣០នាទីព្រឹកថ្ងៃទី១៨ ខែកក្កដា ឆ្នាំ២០១៩នៅ ចំណុចមុខផ្ទះជនរងគ្រោះក្នុងភូមិវាលកើត ឃុំជីគរ ស្រុកត្បូងឃ្មុំ ខេត្តត្បូងឃ្មុំ។
ប្រភពពីសមត្ថកិច្ចបានអោយដឹងថាជនរងគ្រោះឈ្មោះសុខ យ៉ាក ភេទ ស្រី អាយុ៦៥ឆ្នាំ ជាតិខ្មែរ រស់នៅភូមិវាលកើត ឃុំជីគរ ស្រុកត្បូងឃ្មុំ ខេត្តត្បូងឃ្មុំ។
តាមប្រភពពីកន្លែងកើតហេតុបានអោយដឹងថា ជនរងគ្រោះ បានដើរបោចស្មៅតែម្នាក់ឯង ទៅប៉ះនឹងតំណរខ្សែភ្លើងម៉ូទ័របូមទឹក ឋិតនៅមុខផ្ទះចម្ងាយ៥ម៉ែត្រ បណ្តាលឲ្យឆក់ស្លាប់តែម្ដង។
សមត្ថកិច្ចបានបន្ដថា ក្រោយទទួលព័ត៌មានភ្លាម កម្លាំងជំនាញនគរបាលស្រុក សហការជា មួយកម្លាំងប៉ុស្តិ៍នគរបាលរដ្ឋបាលជីគរ ពេទ្យមណ្ឋល់សុខភាពបាន ចុះ ទៅដល់កន្លែងកើតហេតុ ធ្វើការស្រាវជ្រាវ និងពិនិត្យសព សន្និដ្ឋានថា សពជនរងគ្រោះពិតស្លាប់ដោយត្រូវខ្សែភ្លើងឆក់ប្រាកដមែន រួចក៏ប្រគល់សពជូនក្រុមគ្រួសារ យកទៅធ្វើបុណ្យតាមប្រពៃណី៕
