ខេត្តស្វាយរៀង៖នៅថ្ងៃពុធ ១៥កើត ខែពិសាខ ឆ្នាំជូត ទោស័ក ព.ស.២៥៦៣ ត្រូវនឹងថ្ងៃទី៦ ខែឧសភា ឆ្នាំ២០២០ឯកឧត្ដម តូច ប៉ូលីវ៉ា អនុប្រធានក្រុមការងាររាជរដ្ឋាភិបាល ចុះស្រុករំដួល និងជាប្រធានក្រុមការងាររាជរដ្ឋាភិបាលចុះមូលដ្ឋានឃុំថ្នាធ្នង់ បានចូលរួមអមដំណើរ
ឯកឧត្តមទេសរដ្ឋមន្ត្រី លី ធុជ ប្រធានក្រុមការងារ រាជរដ្ឋាភិបាល ចុះមូលដ្ឋានស្រុករំដួល ខេត្តស្វាយរៀង ចុះជួបសំណេះសំណាលជាមួយបងប្អូនប្រជាពលរដ្ឋ និងនាំយកគ្រឿងឧបភោគបរិភោគ អាកុល ជែល សម្លាប់មេរោគ សាប៊ូលាងដៃ ម៉ាស និងថវិកាមួយចំនួនចែកជូនពលរដ្ឋក្នុងមូលដ្ឋាន ដែរជាអំណោយរបស់ ឯកឧត្តមទេសរដ្ឋមន្ត្រី ឯកអគ្គរាជទូតអូស្ត្រាលី និងអង្គការយូនីសេហ្វ ផ្ដល់ជូនដល់ប្រជាពលរដ្ឋដែលមានជីវភាពខ្វះខាត ចំនួន ១៥០គ្រួសារ ស្ថិតក្នុងឃុំចំនួន៣ ស្រុករំដួល ខេត្តស្វាយរៀង រួមមានឃុំថ្នាថ្នង់ ឃុំពងទឹក និងឃុំបុស្សមន ក្នុងស្ថានភាពជម្ងឺcovid19។
ដោយមានការអញ្ជើញចូលរួមពីឯកឧត្ដម ឯកអគ្គរាជទូតអូស្រា្ដលីប្រចាំនៅកម្ពុជា លោក លោកស្រីតំណាងអង្គការយូនីសេហ្វប្រចាំនៅកម្ពុជា ឯកឧត្ដម លោក លោកស្រី អនុប្រធាន សមាជិក សមាជិកាក្រុមការងាររាជរដ្ឋាភិបាលចុះមូលដ្ឋានស្រុករំដួល គណៈអភិបាលស្រុករំដួល លោក លោកស្រីក្រុមប្រឹក្សាស្រុក កងកម្លាំងទាំង៣ លោកមេឃុំ ក្រុមប្រឹក្សាឃុំ ព្រមទាំងបងប្អូនប្រជាពលរដ្ឋ៕
