ភ្នំពេញ ៖ នៅព្រឹកថ្ងៃអាទិត្យ ទី១៤ ខែកុម្ភះ ឆ្នាំ២០២១ លោក ហ៊ត គឹមនី អភិបាលរងខណ្ឌច្បារអំពៅ និងជាអនុប្រធានទី១ ក្រុមការងារ ចុះជួយសង្កាត់ ក្បាលកោះ លោក ស្រេង គឹមស្រ៊ន អនុប្រធានក្រុមការងារ ចុះជួយសង្កាត់ក្បាលកោះ លោក ឃី សុង ចៅសង្កាត់ក្បាលកោះ បានចុះសួរសុខទុក្ខ និងនាំយកអំណោយជូនប្រជាពលរដ្ឋក្រីក្រខ្វះខាតជីវភាពចំនួន២០គ្រួសារ នៅភូមិយកបាត្រ សង្កាត់ក្បាលកោះ ខណ្ឌច្បារអំពៅ រាជធានីភ្នំពេញ ។
អំណោយដែលបានផ្ដល់ជូនទាំង២០គ្រួសារខាងលើ គឺក្នុងមួយគ្រួសារទទួលបាន ៖ ទឹកត្រី ទឹកសុីអុីវ មី, អង្ករចំនួន ១០ គីឡូក្រាម, និងថវិកាមួយចំនួន។
ក្នុងឱកាសនោះដែលលោក អភិបាលរងខណ្ឌច្បារអំពៅ បានបន្តចុះសួរសុខទុក្ខគ្រួសារសពលោក ហេង ផល្លីន ជាសមាជិកភូមិយកបាត្រ១ ដែលបានជួបគ្រោះថ្នាក់ចរាចរណ៍កាលពីពេលថ្មីៗនេះ ។ ក្នុងលោក បានឧបត្ថម្ភជូនគ្រួសារសព មានអង្ករ ទឹកត្រី ទឹកសុីអុីវ មី និងថវិកាចំនួន ១០០,០០០រៀលផងដែរ៕
