ស្វាយរៀង ៖ នៅយប់ថ្ងៃទី១៤ ខែកក្កដា ឆ្នាំ២០២៣ ដោយអនុវត្តតាមគោលនយោបាយភូមិ–ឃុំមានសុវត្ថិភាព
លោកវរសេនីយ៍ឯក សោម សុភ័ណ្ឌ អធិការនគរបាលស្រុកស្វាយជ្រំ បានដាក់ផែនការពង្រឹងបទបញ្ជាដល់ កម្លាំងប៉ុស្តិ៍នគរបាលរដ្ឋបាលទាំង១៦ប៉ុស្តិ៍ព្រមទាំងប្រជាការពារ នៃអធិការនគរបាលស្រុកស្វាយជ្រំ ចេញល្បាតចល័តការពារសន្តិសុខតាមគោលដៅប្រទាក់ក្រឡានៅក្នុងភូមិសាស្រ្តប៉ុស្តិ៍របស់ខ្លួន។
លោកវរសេនីយ៍ឯក សោម សុភ័ណ្ឌ អធិការនគរបាលស្រុកស្វាយជ្រំ បានបញ្ជាក់ថា នៅព្រឹកថ្ងៃសៅរ៍ទី១៥ ខែកក្កដា ឆ្នាំ២០២៣វេលាម៉ោង ០៨ និង៣០នាទី លោកបានដឹកនាំកម្លាំងនៃអធិការដ្ឋាននគរបាលស្រុក ដោយផ្ទាល់ដើម្បីដាក់ភ្លើងសូឡាបំភ្លឺផ្លូវក្នុងឃុំឈើទាលចំនួន ០៧ដើម នៅចំណុចភូមិសំរោង ចំនួន ០៤ដើម និងចំនួន០៣ដើម ទៀតដាក់នៅភូមិពោនកក ឃុំឈើទាល ស្រុកស្វាយជ្រំ ខេត្តស្វាយរៀង ។
លោកបានបញ្ជាក់បន្ថែមថាអំពូសូឡាទាំងនេះ ជាការឧបត្ថមរបស់ឯកឧត្តមចៅ ភារិទ្ធ ប្រធានក្រុមការងារចុះជួយឃុំឈើទាលតាមរយៈលោកមេឃុំឈើទាល។
នៅក្នុងពិធីនោះក៏មានការអញ្ជើញចូលរួមពីសំណាក់លោកមេឃុំឈើទាល, លោកនាយ.នាយរងប៉ុស្តិ៍និងមន្ត្រីប៉ុស្តិ៍នគរបាលរដ្ឋបាលឈើទាល,លោក.លោកស្រីមេភូមិទាំង០២ភូមិ ព្រមទាំងប្រជាការពារទាំង០២ភូមិផងដែរ។ ហ
លោកវរសេនីយ៍ឯក សោម សុភ័ណ្ឌ ខាងក្រោមនេះជាលេខទូរស័ព្ទទាន់ហេតុការណ៍របស់អធិការដ្ឋាននគរបាលស្រុកស្វាយជ្រំ បើបងប្អូនមានបញ្ហាបន្ទាន់អាចទំនាក់ទំនងបានគ្រប់ពេលវេលាដើម្បីកម្លាំងអន្តរាគមន៍នគរបាលស្រុកចុះជួយបានទាន់ពេល 097 778 0087។
ឆ្លៀតនៅក្នុងឪកាសនោះដែរលោកវរសេនីយ៍ឯក សោម សុភ័ណ្ឌ អធិការនគរបាលស្រុកស្វាយជ្រំ សូមផ្លែងអំណរគុណយ៉ាងជ្រាលជ្រៅដល់ឯកឧត្តមចៅ ភារិទ្ធ ប្រធានក្រុមការងារចុះជួយឃុំឈើទាល តាមរយៈលោកមេឃុំឈើទាលដែលបានជួយឧបត្ថម្ភអំពូសូឡាដាក់បំភ្លឺតាមផ្លូវ សូមឯកឧត្តមមានសុខភាពល្អ សំណាងល្អ ជោគជ័យគ្រប់ភារកិច្ចការងារ និងសូមសមប្រកបនូវពុទ្ធពរទាំងបួនប្រការគឺអាយុវណ្ណៈ សុខៈពលៈ កុំបីឃ្លៀងឃ្លាតឡើយ៕
