ខេត្តកំពត ៖ កម្លាំងជំនាញខេត្តកំពតសហការជាមួយកម្លាំងអធិការស្រុកបន្ទាយមាស បានបង្ក្រាបករណីចែកចាយ និងប្រើប្រាស់គ្រឿងញៀន
ឃាត់ខ្លួនជនសង្ស័យបានចំនួន ០៣ នាក់ និងដកហូតថ្នាំញៀនចំនួន ០៧ កញ្ចប់ (ធំ ០២ កញ្ចប់) ករណីចុះបង្រ្កាបនេះធ្វេីឡេីងនៅ ថ្ងៃសៅរ៍ ១៣កើត ខែជេស្ឋ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី ១៥ ខែមិថុនា ឆ្នាំ ២០១៩ វេលានៅម៉ោង ១០និង៣០ នាទីស្ថិតនៅក្នុងភូមិក្រាំងដូង ឃុំសំរោងក្រោម ស្រុកបន្ទាយមាស ខេត្តកំពត។
ប្រភពពីសមត្ថកិច្ចបានអោយដឹងថាបានឃាត់ជនសង្ស័យបានចំនួន ០៣ នាក់រួមមាន ទី១.ឈ្មោះ ខុន សេអៀង ភេទប្រុស អាយុ ២៩ ឆ្នាំ នៅភូមិព្រៃក្រឡាខាងលិច ឃុំទូកមាសខាងលិច ស្រុកបន្ទាយមាស ។
ទី២.ឈ្មោះ រឿន អ៊ា ភេទប្រុស អាយុ ២៤ ឆ្នាំ នៅភូមិស្រែព្រៃ ឃុំវត្តអង្គខាងត្បូង ស្រុកបន្ទាយមាស ។
ទី៣.ឈ្មោះ ខុន ឆាលី ភេទប្រុស អាយុ ៣១ ឆ្នាំ នៅភូមិព្រៃក្រឡាខាងលិច ឃុំទូកមាសខាងលិច ស្រុកបន្ទាយមាស ។
វត្ថុតាងដកហូតបានរួមមាន៖ ថ្នាំញៀនចំនួន ០៧ កញ្ចប់ (ធំ ០២ កញ្ចប់)។
បច្ចុប្បន្នជនសង្ស័យទាំង០៣នាក់សមត្ថកិច្ចបានកសាងសំណុំរឿងដើម្បអនុវត្តតាមនីតិវិធីច្បាប់ ៕
